Elm və Təhsil İşçiləri Həmkarlar İttifaqı Respublika Komitəsi tərəfindən fevral ayında ittifaq üzvləri üçün sanatoriya-kurort yollayışları təqdim olunub. Məqsəd üzvlərin sağlamlığının qorunması və onların keyfiyyətli istirahət imkanlarından yararlanmasına şərait yaratmaqdır.

XALQ xəbər verir ki, yollayışlar Azərbaycan Həmkarlar İttifaqları Konfederasiyası tabeliyində fəaliyyət göstərən müalicə və istirahət mərkəzlərinə verilib. Üzvlər e-AHİK elektron rezervasiya sistemi (www.e-ahik.az) vasitəsilə onlayn qeydiyyatdan keçərək bu imkandan faydalanıblar.

Məlumata görə, fevral ayı ərzində ümumilikdə 980 nəfər sanatoriya-kurort yollayışlarından istifadə edib.

Qeyd edək ki, bu cür sosial dəstək tədbirləri həmkarlar ittifaqları tərəfindən mütəmadi olaraq həyata keçirilir.