Uşaqlar məktəbə neçə yaşdan başlayırlar? - Xaricdə və bizdə...
Dünyanın müxtəlif ölkələrində uşaqların təhsilə cəlb olunma yaşı fərqlidir. Bəzi ölkələrdə uşaqları təhsilə cəlb etmə yaşı beşdən başlayırsa, bir çoxunda təhsil yaşı üç hesab olunur.
AzEdu.az-a istinadən bildirik.
Araşdırmaya görə,ən tez İspaniyada uşaqlar 3 ayından başlayaraq, 6 yaşına məktəbəqədər təhsilə cəlb edilir.
Belə ki, uşaqların məcburi təhsili isə 16 yaşına qədər davam edir.
İkinci yerdə İngiltərədir.
Burada uşaqlar 4 aylıqdan 3 yaşına qədər məktəbəqədər təhsilə, uşaq bağçalarına gedə bilərlər.
Həmçinin 5 yaşında başlayan zəruri təhsil 16 yaşına qədər davam edir
Növbəti ölkə İsveçdir
1-5 yaş aralığında məktəbəqədər təhsilə cəlb olunan uşaqlar, 16 yaşına qədər isə məktəblərdə ödənişsiz məcburi təhsil alırlar.
Avstraliyada isə 3-5 yaş aralığında məktəbəqədər təhsilə cəlb edilir.
Burada uşaqlar, 6 yaşdan etibarən məktəbə başlayırlar. İbtidai sinfi bitirdikdən sonra, şagirdlər növbəti təhsil səviyyəsi üçün imtahan verməlidirlər.
Çexiyada 3-6 yaş aralığındakı uşaqlar məktəbəqədər, 6-15 yaş aralığında isə onlara ibtidai və orta təhsil ala bilərlər. Orta təhsil almaq şəxsi iradədən asılıdır. Lakin bunun üçün imtahan vermək vacibdir.Danimarkada 3-17 yaş arası təhsil məcburi və ödənişsizdir.
Valideynlər uşaqları üçün istədikləri məktəbləri seçə bilərlər.
İtaliyada 3-6 yaş arası uşaqlar məktəbəqədər təhsilə cəlb olunurlar. 6-14 yaş aralığında isə ödənişsiz və zəruri təhsilə cəlb olunurlar.
Macarıstanda 3-7 yaşa aralığındakı uşaqlar üçün məktəbəqədər təhsil verilir.
7 yaşında bir illik hazırlıqla başlayan zəruri təhsil 18 yaşında tamamlanır.
Polşada 3-6 yaş aralığındakı məktəbəqədər təhsil alanlar 6-16 yaş aralığında ödənişsiz məcburi təhsil alırlar.
Yunanıstanda uşaqlar 3-6 yaş aralığında məktəbəqədər, 6-15 yaş aralığında isə ödənişsiz və məcburi təhsil almalıdırlar.
Ruminiyada 3-6 yaş arası məktəbəqədər təhsilə cəlb olunan uşaqlar 6-15 yaşa qədər məktəblərdə ödənişsiz məcburi təhsil alırlar.
Portuqaliyada 3-5 aralığındakı məktəbəqədər təhsilə cəlb edilən uşaqlar 15 yaşına qədər ödənişsiz zəruri təhsil alırlar.
Hollandiya və ABŞ-də təhsil 5 yaşından başlayır.
Ondan əvvəl isə, uşaqlara heç bir təhsil verilmir. Uşaqlar 16 yaşına qədər məcburi təhsilə cəlb edilirlər.
ABŞ-də şagirdlər 5 yaşında məktəbə başlayır və 18 yaşında məktəbi bitirirlər. Məktəbəqədər təhsil, ibtidai təhsil, orta təhsil və üst səviyyə məktəb (high school) olmaqla mərhələlərə bölünür.
Birləşmiş Krallıqda təhsil sistemi "Key Stages" adlanan mərhələlərə əsaslanır. Uşaqlar 4-5 yaşında "Reception" sinifinə başlayır və 16 yaşına qədər "Key Stage 4"ə qədər davam edirlər. Bu mərhələdən sonra 16-18 yaş arasında "Sixth Form" və ya peşə təhsili mümkündür.
Almaniyada təhsil sistemi əsasən "Grundschule" (ibtidai məktəb) və müxtəlif növ orta məktəblərə (Realschule, Gymnasium, Hauptschule) bölünür. 3-6 yaş arası uşaqlar məktəb öncəsi hazırlığa, 6-15 yaş aralığında məcburi təhsilə cəlb edilir.Uşaqlar 6 yaşında ibtidai məktəbə başlayırlar və 9-cu və ya 10-cu sinifdən sonra peşə və ya akademik təhsilə yönəlirlər.
Fransada təhsil sistemi ibtidai məktəb (école élémentaire) və orta məktəb (collège) mərhələlərinə bölünür. Uşaqlar 3 yaşında məktəbə başlayır və 16 yaşında orta məktəbi bitirirlər. Uşaqlar 6 yaşından sonra zəruri və ödənişsiz oxumağa başlayır. Bundan sonra 16-18 yaş arasında lisey (lycée) mərhələsi var. Şagirdlər yaşayış yerlərinə uyğun məktəblərdə təhsil alırlar.
Yaponiyada təhsil sistemi ibtidai məktəb (shougakkou) 6 yaşında başlayır, orta məktəb (chuugakkou) 12 yaşında başlayır və üç illik bir dövrdən sonra tam təhsil alınır. Bundan sonra 15 yaşında lisey (koukou) təhsili var.
Finlandiyada 6 yaşına qədər uşaqlar məktəbəqədər, 16 yaşına qədər isə ödənişsiz zəruri təhsil alırlar.
Azərbaycanda Azərbaycan Respublikasının “Təhsil haqqında” qanununa əsasən, məktəbə qəbul 6 yaşdan başlanır. Azərbaycan Respublikasında məktəbəqədər təhsil 1-6 yaşlı uşaqları əhatə edir.
