BMU-nun 6 tələbəsi mübadilə proqramı çərçivəsində xaricdə təhsil almaq hüququ qazanıb

Bakı Mühəndislik Universitetinin (BMU) bakalavriat səviyyəsinin 6 tələbəsi “ERASMUS+KA1” mübadilə proqramı çərçivəsində müxtəlif xarici universitetlərdə təhsil almaq hüququ qazanıb.

2023/2024-cü tədris ilinin yaz semestrində BMU tələbələrinin üçü-İsa Yusifov (kompüter mühəndisliyi ixtisası), Məhəmmədəli Ayralov (kimya mühəndisliyi ixtisası), Hassan Ul Moviz (memarlıq ixtisası) İtaliyanın Turin Politexnik Universitetində təhsillərini davam etdirəcəklər. Bundan başqa, universitetin iki tələbəsi Gülnar Əkbərli (biologiya müəllimliyi ixtisası), Arzu Nəcəfzadə (kompüter elmləri ixtisası) İspaniyanın Jaen Universitetində, digər tələbə Canel Xəlilov isə (maliyyə ixtisası) Polşanın Vroslav Biznes Tətbiqi Elmlər Universitetində bir semestr təhsil alacaq.


Mübadilə proqramları çərçivəsində təhsil alacaq tələbələrə müvafiq qaydalara əsasən, akademik məzuniyyət verilib.