"Heydər Əliyev və Azərbaycan təhsili" adlı yeni layihə: Abşeronda Ulu Öndərin xatirəsi belə yad edilir - VİDEO
Ulu öndərin 100 illik yubileyi və "Heydər Əliyev" ili çərçivəsində ölkənin bütün regionlarında silsilə tədbirlər keçirilir. Abşeron rayonu da ümummilli liderinin həyat və fəaliyyətini, Azərbaycan üçün gördüyü əvəzsiz işləri özündə əks etdirən bu tədbirlərdən kənarda qalmır. Belə ki, Xırdalan şəhəri də daxil olmaqla ətraf qəsəbələrdə müxtəlif tədbirlər baş tutur.
"Təhsilmedia.az" informasiya portalı da Ulu Öndərin yüz illik yubileyinə öz töhfəsini vermək məqsədilə yeni layihəyə başlayıb. "Heydər Əliyev və Azərbaycan təhsili" adlı layihə çərçivəsində Xırdalan şəhərində yerləşən 10 nömrəli məktəbdə yaradılan "Heydər Əliyev" guşəsi ilə tanışlıq baş tutub. Elm və təhsilin inkişafında ümummilli lider Heydər Əliyevin misilsiz xidmətlərindən danışan məktəbin direktoru Fəxriyyə Hüseynova, təhsil müəssisəsində yaradılan guşə haqqında məlumat verib. Ulu öndərin Azərbaycanın inkişafı və elmi-tərəqqinin formalaşması istiqamətindəki tarixi xidmətlərindən, böyük xilaskarlıq missiyasından danışan direktor, Heydər Əliyevin hər zaman müəllim adını və vəzifəsini yüksək qiymətləndirdiyini diqqətə çatdırıb. Fəxriyyə Hüseynova fikirlərini ümummilli liderin təhsil sahəsi haqda söylədiyi əvəzsiz ifadələrlə davam etdirib: "Mən yer üzündə müəllim adından uca ad tanımıram". Bu bir tarixi faktdır ki, bütün sahələrdə olduğu kimi, ölkədə təhsilin dünyanın inkişaf tendesiyalarına cavab verən hazırki səviyyəyə çatması və inkişafında ümummilli lider Heydər Əliyevin müstəsna xidmətləri var.
Daha ətraflı hazırladığımız videosujetdə:
