BSU rektoru və tələbələri “Zərifə Əliyeva ömrünün işığı” adlı tədbirdə - FOTO

Nizami Kino Mərkəzində Nəsimi rayon İcra Hakimiyyəti, Yeni Azərbaycan Partiyası Nəsimi rayon təşkilatı ilə birgə görkəmli oftalmoloq alim, akademik Zərifə Əliyevanın anadan olmasının 100 illiyinə həsr olunmuş "Zərifə Əliyeva ömrünün işığı” adlı tədbir keçirilib.

tehsilmedia.info xəbər verir ki, tədbirdə Nəsimi rayon İcra Hakimiyyətinin, YAP Nəsimi rayon təşkilatının rəhbərliyi, Bakı Slavyan Universitetinin rektoru və tələbələri, eləcə də bir sıra təhsil müəssisələrinin, səhiyyə, rayonun idarə və təşkilatların rəhbərləri, şəhid ailələri, müharibə əlilləri, QHT-lərin rəhbərləri, rayon ictimaiyyətinin nümayəndələri və rayon gəncləri iştirak ediblər. Əvvəlcə tədbir iştirakçıları Zərifə xanım Əliyeva haqqında filmə tamaşa ediblər. Daha sonra Zərifə xanım Əliyevanın zəngin irsi, tibbin müxtəlif sahələri üzrə apardığı tədqiqatlar, yaratdığı fundamental əsərlər barədə geniş söhbətlər açılıb.

Ənənəvi olaraq bu ildə Zərifə xanım Əliyevanın anadan olmasının 100 illiyi ilə əlaqədar 50 nəfərə yaxın gözdən əlil, fiziki qüsurlu məktəbliyə optik göz eynəkləri təqdim edilib. Tədbir bədii hissə ilə davam edib.