Son zamanlar işədüzəltmə şirkətlərinin fırıldaqları ilə şikayətlərin sayı artıb.

Xüsusilə sosial şəbəkələrdə yüksək maaşlı işlərlə bağlı paylaşılan elanlar çoxdur. Məsələn, cəmi 30 manat ödəməklə 1000 manat əldə et kimi elanlar...
İşsizləri yalançı vədlərlə soyanlar bu məbləği dövlət rüsumu adlandırıblar.
İşsiz insan həmin pulu ödədikdən sonra elan da, həmin elanı paylaşan insan da yoxa çıxır. Aldananlar isə tələbələr və təcrübəsiz şəxslərdir.

tehsil.media xəbər verir ki, ekspert İlkin Məcidov bildirir ki, belə saxta işədüzəltmə şirkətləri dünyada tanınmış məşhur şirkətlərin adından da istifadə edirlər. Bəzi hallarda bu cür saxta elanlar ödənişli əsaslarla yerləşdirilir.
Mətbuat Şurasının İH-nin üzvü Müşfiq Ələsgərli bildirib ki, hər hansı bir şirkətdən və yaxud şəxsdən pul qarşılığında reklam vermək, həmin qurumun və yaxud şəxsin neqativ hallarına göz yummaq deməkdir. Bu baxımdan Kütləvi İnformasiya Vasitələri bu mövzuya həssas yanaşmalıdır.
Daxili İşlər Nazirliyinin əməkdaşı Nurlan Əliyev isə bildirib ki, bu cür iş təklifləri edən səhifələr xaricdən idarə olunur. Bu da həmin şəxsin yerinin müəyyənləşdirilməsində müəyyən çətinliklər yaradır.

Vətəndaşlara sosial şəbəkələrdə rastlaşdıqları zamanı diqqətli olmaq və kibercinayətkarlıq üzləşdikləri təqdirdə, Daxili İşlər Nazirliyinin 102 qaynar xəttinə məlumat verməkləri tövsiyə olunur.

TƏHSİL MEDİA