AzMİU-ya MBA proqramı ilə magistratura səviyyəsinə tələbə qəbulu proqnozu açıqlanıb

2023/2024-ci tədris ili üçün Azərbaycan Memarlıq və İnşaat Universitetində (AzMİU) magistratura səviyyəsinə tələbə qəbulu proqnozu yerlərinin layihəsi açıqlanıb.

Universitetdən verilən məlumata görə, layihəyə əsasən, tehsilmedia.info məlumat verir ki, magistratura səviyyəsinə 800 tələbə qəbulu yeri planlaşdırılıb.

Proqnozlaşdırılan yerlərdən 335-nə biznesin təşkili və idarə edilməsi ixtisası üzrə MBA proqramı ilə qəbul elan ediləcək. Həmin ixtisasa 11 istiqamətdə qəbul nəzərdə tutulub:

- Biznesin təşkili və idarə edilməsi (menecment üzrə);

- Biznesin təşkili və idarə edilməsi (marketinq üzrə);

- Biznesin təşkili və idarə edilməsi (tikintinin idarə edilməsi üzrə);

- Biznesin təşkili və idarə edilməsi (daşınmaz əmlakın idarə edilməsi üzrə);

- Biznesin təşkili və idarə edilməsi (nəqliyyatın idarə olunması üzrə);

- Biznesin təşkili və idarə edilməsi (tikinti sahəsində investisiyaların idarə edilməsi üzrə);

- Biznesin təşkili və idarə edilməsi (logistika və təchizat zəncirinin idarə edilməsi);

- Biznesin təşkili və idarə edilməsi (ətraf mühitin idarə edilməsi üzrə);

- Biznesin təşkili və idarə edilməsi (layihələrin idarə edilməsi üzrə);

- Biznesin təşkili və idarə edilməsi (maliyyə üzrə);

- Biznesin təşkili və idarə edilməsi (əqli mülkiyyətin idarə edilməsi üzrə).

Qəbul elan ediləcək ixtisaslarda tədris dili Azərbaycan, rus və ingilis dillərində olacaq. Belə ki, 310 Azərbaycan, 10 rus, 15 qəbul yerində isə ingilis dilində tədris planlaşdırılıb.