ABŞ universiteti UNEC alimi haqqında məqalə dərc edib

UNEC-in “Mühəndislik və tətbiqi elmlər” kafedrasının tədqiqatçı-dosenti Əli Xəlilov ABŞ-ın nüfuzlu ali təhsil müəssisələrindən olan Vaşinqton Universitetində (WashU) 6 aylıq elmi ezamiyyədədir.

Modern.az xəbər verir ki, fulbright Proqramı çərçivəsində ABŞ-ın Missuri ştatının Sent-Luis şəhərində tədqiqat aparan Əli Xəlilovun elmi fəaliyyəti haqqında Vaşinqton Universiteti rəsmi vebsaytında “UNEC-dən Vaşinqton Universitetinə” adlı xüsusi yazı paylaşıb. Məqalədə UNEC aliminin Fulbrayt təqaüdçüsü (Fulbright Visiting Scholar) kimi Kimya departamentində apardığı uğurlu tədqiqat fəaliyyəti və onun professor Birmanın tədqiqat qrupundakı mühüm rolundan bəs olunub.

UNEC-in tədqiqatçı dosenti Əli Xəlilov öz-özünü tamamlayan hidrogen rabitəli yeni massivlərin dizaynı və onların özünübərpa olunan “ağıllı materiallar” kimi potensialının araşdırılması layihəsi üzərində çalışır.

Qeyd edək ki, bu, UNEC aliminin ABŞ-dakı ilk uğuru deyil. Onun 2017-2018-ci illərdəki ilk Fulbright səfərindəki elmi fəaliyyəti dünya şöhrətli "Journal of the American Chemical Society" jurnalında dərc olunmuş və gələcək araşdırmalar üçün mühüm elmi baza yaradıb.

60-dan çox elmi məqalənin müəllifi və "UNEC Journal of Engineering and Applied Sciences" jurnalının məsul katibi olan Əli Xəlilov, həm də gənc alimlərin akademik inkişafına və qlobal elmi mübadiləyə böyük dəstək göstərir.

Məqalə ilə linkə daxil olaraq tanış ola bilərsiniz: //global.washu.edu/from-unec-to-washu