Sumqayıt təhsili daha bir uğura imza atıb.

Belə ki, İsmət Qayıbov adına 1 nömrəli tam orta məktəbin 5-ci sinif şagirdi Banu Cəbrayılova martın 8-i Azərbaycanda keçirilən TIMO Beynəlxalq riyaziyyat olimpiadasının seçim turunda qızıl medal qazanaraq, Türkiyənin Antalya şəhərində keçiriləcək qlobal raunda vəsiqə qazanıb. 17-22 aprel tarixlərində Türkiyənin Antalya şəhərində keçirilən TIMO 2025 – Türk Dünyası Beynəlxalq Riyaziyyat Olimpiadasında 20-yə yaxın ölkə (Azərbaycan, Rusiya, Türkiyə, Şri-Lanka, İordaniya, Hindistan, Çin, İran, Özbəkistan və s.) iştirak edib.

Banu Cəbrayılova qlobal raundun finalında performans edərək, öz kateqoriyası üzrə Azərbaycan şagirdləri arasında ən yüksək nəticəni göstərərək ölkə birincisi olaraq xüsusi kuboka, 20 ölkə arasında isə 3-cü yeri tutaraq bürünc medala layiq görülüb.

Qeyd edək ki, Banu Cəbrayılova Dubayda 18 ölkə arasında keçirilən FİSO Beynəlxalq Riyaziyyat olimpiadasında öz kateqoriyası üzrə ən yüksək nəticəni göstərərək “Diamond” mükafatına layiq görülüb.