Dağıstan Respublikasının Mahaçqala şəhərində Dağısatan Respublikası Milli-Mədəni Muxtariyyətinin rəhbəri Rakif Əzizovun təşkilatçılığı və diaspora üzvülərinin iştirakı ilə 25 dekabrda təyyarə qəzası nəticəsində dünyalarını dəyişmiş sərnişinlərin və ekipaj üzvlərinin xatirəsinə ehtiram olaraq tədbir keçirildi. Qəza nəticəsində həyatlarını itirmiş sərnişinlərin ruhlarına dualar oxunmuş, onların ailələrinə dərin hüznlə baş sağlığı verib, yaralılara Allahdan şəfalar diləmişlərdir.
Tədbirdə həmçinin, Çeçenistan Respublikası Milli-Mədəni Muxtariyyətinin rəhbəri Əliəsgər Əzizov və İnquşetiya Azərbaycanlıları Şuşa regional Milli-Mədəni Mərkəzinin fəxri prezidenti Rəhmətulla Babayev, Elçin Şükür və s. iştirak edirdilər
Dekabrın 25-də Qazaxıstanın Aktau şəhəri yaxınlığında qəzaya uğramış Azərbaycan Hava Yollarına məxsus Embraer 190 təyyarəsində 5-i ekipaj üzvü olmaqla, ümumilikdə 67 nəfər olub. Sərnişinlər arasında 13 yaşlı məktəbli də olub.
Təyyarə Bakı-Qroznı istiqamətində uçurmuş.
Sonradan rəsmilərin açıqlamasına görə, təyyarə dumanlı hava şəraitinə görə, əvvəl Mahaçqalaya yönləndirilir, daha sonra isə Mahaçqala aeroportuna da qəbul edilmir və Qazaxıstanın Aktau aeroportuna istiqamətləndirilib.
Sosial mediada yayılan görüntülərdə təyyarənin Aktau şəhəri yaxınlığında Xəzər dənizi sahillərində yerə çırpıldığı görünür. Qəzaya uğrayan təyyarədə 38 nəfər ölsə də, 29 nəfəri ekipajın çevik hərəkətləri və hava gəmisinin konstruksiya xüsusiyyətləri sayəsində sağ qalıb.
Azərbaycan Prezidenti İlham Əliyev dekabrın 26-da ölkədə matəm elan edilməsi ilə bağlı Sərəncam imzalayıb.

Dağıstan Respublikasının rəsmisi Azərbaycan xalqına baş sağlığı verdi

Dağıstan Respublikasının Milli Siyasət və Dini İşlər Naziri Endrik Səlimoviç Şimali Qafqazda fəaliyyət göstərən Milli-Mədəni Muxtariyyətlərin rəhbərləri ilə görüş keçirdi. Görüşdə, Dağıstan Respublikasının Milli Siyasət və Dini İşlər Nazirinin müavini Janna Osmanova, Qadınlar şurası ittifaqının sədri İntizar Mamutayeva,Dağısatan Respublikası Milli-Mədəni Muxtariyyətinin rəhbəri Rakif Əzizov, Çeçenistan Respublikası Milli-Mədəni Muxtariyyətinin rəhbəri Əliəsgər Əzizov və İnquşetiya Azərbaycanlıları Şuşa regional Milli-Mədəni Mərkəzinin fəxri prezidenti Rəhmətulla Babayev, Elçin Şükür və s
Endrik Səlimoviç Dağısatan Respublikası Milli-Mədəni Muxtariyyətinin rəhbəri Rakif Əzizova və onun timsalında bütün Azərbaycan xalqına dərin hüznlə baş sağlığı verib, yaralılara şəfalar dilədilər.
Dağıstan Respublikasının Milli Siyasət və Dini İşlər Nazirinin müavini Janna Osmanova, Qadınlar şurası ittifaqının sədri İntizar Mamutayeva da azərbaycan xalqına baş sağlığı verdi
Sonda tədbir təşkilatçıları Mahaçqala Məscidində ölənlərin ruhlarına Fatihə oxuyub ehsan verdilər. Müqəddəs Qurani Kərimdən kəlamları Əzizov Salax Əliəsgər oğlu tilavət etdi