2025-ci il dövlət büdcəsindən bir yanlış qərar da heç bir nəticə verməyən "METODİST" vəzifəsinə dair verildi. Belə ki, təhsildə müasir metodiki xidmətin təşkili, bu işlərin icrası ilə bağlı növbəti ildə 750 nəfər metodistin işə cəlb olunması məqsədilə dövlət büdcəsində 7.1 milyon manat vəsait proqnozlaşdırılıb.

Keçən zaman içində bu layihənin uğursuzluğu açıq aşkar göründüyü halda niyə yenidən dövlət büdcəsindən vəsait ayrılır?

Heç bir uğur əldə edilmədiyi və tamamilə düşünülməyən daha ciddi nöqsanlara yol açdığını gördüyümüz halda layihəni dayandırmaq əvəzinə niyə belə bir addım atılır?

Metodistlar ARTİ tərəfindən sertifikasiyada yüksək bal toplayan müdavimlər və xüsusi təkliflə gələnlər arasından seçilir və hazırlanır. Deməli, proqramda öyrədilənlər MİQ-ə hazırlaşanların hər birinin bildiyi çox bəsit məlumatlardır. Yəni heç bir xüsusiyyəti yoxdur. Çox sadə, bəsit bir neçə məlumatları həmin müəllimlərə "öyrətməyə çalışırlar". Keçirilən təlim yola verilmiş təlimdir.
Sertifikasiyada yüksək bal toplayanlar heç də çətin, qeyri-adi bir imtahan vermədiklərindən bu seçim başdan haqsız olur. Üstəlik materiallara baxdıqda görürük ki, bu materiallar Kurikulumun, Metodika və Pedaqogikanın heç yüzdə birini ehtiva etmir. Qiymətləndirmə də həmişə olduğu kimi kənardan təlimçilərə pul verməklə yazdırılır. Heç metodist özü də yazmır. Pulla kurikulum təlimçilərinə yazdırırlar. Üstəlik özləri də deyir ki, heç nə bilmirik. Əsas odur bir vəzifə, üstünlük kimi görürlər. Yəni məktəbdə hava atmaq, "mən də bir vəzifə sahibi olmuşam" deməyə xidmət edir.

Üstəlik ən gülünc tərəfi də artıq "mən metodistəm" deyib kurikulumdan təlim keçirlər. Ödənişlə MİQ, Sertifikasiya hazırlığı keçirlər. ARTİ metodistiyəm deyib Metodikadan xəbəri olmayan bu müəllimlər təhsildəki vəziyyəti bir az daha gərginləşdirirlər.

Metodika və Pedaqogika (Kurikulum) sahəsində heç bir məlumatı olmayan, metodikaya dair magistratura təhsili almayan və yola verilmiş təlim, satın alınmış imtahanla "uğur qazanıldığını düşünülən" layihəyə 7.1 milyon pul ayrılır.
Axı hansı düşüncə ilə bu layihənin uğurlu olduğu vurğulanır?

Dərhal ləğv edilməli və metodist adı alanlardan o ad geri alınmalı olduğu halda bir də əlavə pul ayırmaq YENİ BİR YEYİNTİ SAHƏSİDİR. ARTİ-NİN BİTİB TÜKƏNMƏZ OYUNLARINDAN BİRİDİR. ARTIQ BİRİ DUR DEMƏLİDİR!

BU UĞURSUZ LAYİHƏLƏRİ ÖZ MƏNAFELƏRİ ÜÇÜN İSTİFADƏ EDİRLƏR. 7 MİLYON MƏKTƏBLİ DOSTUNA, 7. 1 MİLYON METODİST LAYİHƏSİNƏ GEDƏN PULLAR TAMAMİLƏ UĞURSUZ QƏRARDIR, YEYİNTİDİR, QURUMLARARASI ANLAŞMADAN, MƏDƏNİ SOYĞUNÇULUQDAN BAŞQA BİR ŞEY DEYİLDİR!