Sertifikasiya imtahanı göstərir ki, müəllimlərdə rəqəmsal bacarıqlar qənaətbəxş deyil. İmtahan zamanı, keçirilən təlimlər, dərsdinləmələr bunu xüsusilə sübut etdi. Amma burada zəifdir deyib günahkar axtarmaq lazım deyil. Məlum məsələdir ki, texnologiya anidən və sürətlə inkiçaf edərək həyatımızın mühüm hissəsinə çevrildi. Xeyrindən çox zərəri olması, sürü psixologiyası yaratması və zamanın sürətlənməsinə səbəb olduğu da göz önündədir. Gənc nəsil birbaşa telefon, internet, komputerlə əlaqəli olduğundan, eyni zamanda əksəriyyəti komputer bacarıqlarına yiyələndiyindən çox da çətinlik çəkmirlər. Amma yaşlı nəsil daha çox əziyyət çəkir. Qeyd edim ki, komputer bilikləri də öyrəndim deməklə bitmir. Hər gün yeniliklər özünü doğruldur. Açığı biz Təhsilmedia.az saytı olaraq müəllimlərin bu baxımdan sıxılmasının və bir əngəl olaraq bunun qəbul edilməsinin tərəfdarı deyilik. İstənilən qədər yenilik gəlsin təcrübə hər zaman öz sözünü deyəcək. Yaşanılmış dünyanın sübutudur ki, biz böyüklərdən çox şey öyrənirik. Təcrübə çox önəmli faktordur. Onlar təhsil sahəsini hər zərrəsi ilə yaşamış, keçən zamanı təhlil etmə qabiliyyətinə malik tək köməkçilərdir. Heç bir qiymətləndirmə onlardan daha üstün səviyyə dəyərləndirməsi edə bilməz. Bu baxımdan yenı də əsasımızı təhsilə yönəldirik. Maddi texniki baza ilə tam təmin olunmuş məktəb və şagirdlərin olması bu problemin gələcək üçün birbaşa həllidir. Qalan müəllimlər isə ya həqiqətən birbaşa əyani şəkildə saat hesabı pul xətrinə yox, normal təlim almasını təmin etmək lazımdır. Məzuniyyət verilir və müəllimlər 1 aylıq kursda səmərəli şəkildə iştirak edirlər. Ya da köməkçi müəllimlər məhz bu sahə üzrə müəllimlərimizə dəstək olurlar. Onsuz da dünya təhsil sistemində sinfin idarəsində biz bunları görürük. Bunu eynilə məltəb prosesinə inteqrasiya edərək həm müəllimləri incitməmiş oluruq, həm də onlardan faydalanmış oluruq.

Önəmli olan nə etmək istədiyimizdir. İstəyəriksə bəhanə, İstəyəriksə həll yolu taparıq. Önəmli olan məqsədimizdir. Biz isə sayt olaraq müəllimlərimizin tərəfindəyik.

HƏR ŞEYƏ RƏĞMƏN!