Balakən məktəbində olimpiada qalibləri mükafatlandirılıb
10 may 2023-cü il tarixində Balakən rayonu Nizami adına şəhər 1 saylı tam orta məktəbin olimpiada qaliblərinin mükafatlandirma mərasimi keçirilib.
Məktəbdən tehsilmedia.info-a verilən məlumata görə, biologiya fənni üzrə olimpiada qalibləri 10-cu sinif şagirdi İbadov Ülvi Elman oğlu (müəllim Tahirova Mayisə), 8-ci sinif şagirdi Padarov Məhəmməd Ruslan oğludur (müəllim Şirbidova İradə). Bu şagirdlər Balakən rayonu üzrə yeganə olimpiada qalibləridir.
Qeyd edək ki, Balakən rayonu Nizami adına şəhər 1 saylı tam orta məktəbin 5, 6, 7-ci sinif şagirdlərindən 41 nəfəri Lütfi Zadə adına məntiq olimpiadası və fənn musabiqələri üzrə yarımfinala vəsiqə qazanıb.
Bu şagirdlərin 13 nəfəri 5-ci sinifdə oxuyurlar. Onlar Lütfü Zadə adına məntiq olimpiadasının qalibləridirlər. 13 nəfər riyaziyyat fənni üzrə 6-ci sinif şagirdi, 3 nəfər informatika fənni üzrə II yarımfinala vəsiqə qazanıb. 7-ci siniflər üzrə kimya fənnindən 4 nəfər, biologiya fənnindən 6 nəfər, fizika fənnindən 2 nəfər yarımfinala vəsiqə qazanıb.
