Gələcək inkişafla bağlı, əlbəttə ki, mənim fikirlərim var və bir çox hallarda onlar həlledici olacaq təbii ki. Ancaq mən istərdim ki, cəmiyyətdə də bu məsələ ilə bağlı diskussiyalar getsin, siyasətçilər, politoloqlar, elm adamları, ziyalılar, yəni, bizim gələcək inkişafımızla bağlı əsas milli ideya və ideyalarımız nə olmalıdır. Bu, bir ictimai müzakirə mövzusu olmalıdır." (Prezident İlham Əliyev).

Yaxşı təhsil sistemi, yaxşı müəllim, yaxşı müəllim isə yaxşı şagird yetişdirir. Belə təhsil sisteminin müəllimləri şaftalı sözünü və çubuqlu bölməni düz yazır, şagirdləri isə 20 %-lik balla məktəb məzunu və ya tələbə olmurlar.
Yaxşı təhsil sistemi öz səhvlərini müəllimlərin və valideynlərin üstünə atmır, onları nüfuzdan salmır. Çünki, təhsildə əsas simanın müəllim olduğunu yaxşı anlayır.
Yaxşı təhsil sistemi öz müəllimlərinin ketfiyyətli və fasilədiz itəkmilləşdirmə sistemini dağıdıb, bu işi özəl kursların öhdəsinə buraxmır.
Yaxşı təhsil sistemi öz nöqsanlarına qarşı daim mübarizə aparır, öz fəaliyyətini təkmilləşdirir.
Yaxşı təhsil sistemi öz işini repetitorlara həvalə etmir, onları himayə etmir.
Yaxşı təhsil sistemində direktor və bütün müəllimlər məktəblinin dostudur, bu məqsədlə "əlavə dostlar" tutmağa, israfa ehtiyac qalmır.
Yaxşı təhsil sistemi öz universitetlərinə dəstək olur, onun problemlərini həll edir, onlardan ƏDV tələb etmir.
Yaxşı təhsil sistemi ölkəni beynəlxalq təhsil reytinqlərində uğurla təmsil edir, reytinqlərdə autsayder olmur, ölkə universitetlərinə digər ölkələrdən çoxsaylı tələbələr cəlb etməklə, onun beynəlxaq nüfuzunu qaldırır.
Yaxşı təhsil sistemindən yalnız öz menecerləri yox, bütün xalq razı olur.
Yaxşı təhsil sisteminin mükəmməl təhsil siyasəti, uzunmüddətli və qısamüddətli inkişaf strategiyaları olur.
Yaxşı təhsil sisteminin menecerləri nəyi, nə vaxt və necə edə edəcəyini yaxşı bilir.
Yaxşı təhsil sistemi yaxşı rəqəmsallaşır, universitetlərdə mükəmməl distant təhsil sistemi yaradır.
Yaxşı təhsil sistemi distant təhsilə qarşı 25 il mübarizə aparmır.
Yaxşı təhsil sistemi tənqidlərə dözümlü, müzakirələrə və əməkdaşlığa açıq, ideyalara dəstəkçi, inkişafa meylli olub, sağlam kadr siyasəti və şəffaf maliyyə siyasəti ilə formalaşır.
Yaxşı təhsil sistemi elmə dəyər verər və elmdən, alimlərdən faydalanır. ...
Kaş ki, bizdə də yaxşı təhsil sistemi olaydı.
Pis təhsil sisteminin yaxşı təhsil sisteminə transformasiya edilməsi üçün o davamlı və faydalı elmi-pedaqoji müzakirələr meydanı olmalı, düzgün qərarlar qəbul edilməli və bu qərarlar peşəkarlıqla icra edilməlidır.

Yeni Eraya səmərəli və sürətli keçid, pis təhsildən yaxşı təhsilə keçidi tələb edir. Çünki, hər şey məhz təhsildən asılıdır.
"Təhsil millətin gələcəyidir" (Heydər Əliyev).

Paralel.az