Abşeron -Xızi Regional Təhsil İdarəsi tərəfindən Daxili Keyfiyyət təminatı sistemi ilə bağlı görüşlər davam edir

Abşeron Xızi Regional Təhsil İdarəsi tərəfindən 20 məktəbdə pilot layihə olaraq Daxili keyfiyyət təminatı sistemi yaradılmasına başlanılmışdır.
Sumqayıt şəhər 12 nömrəli tam orta məktəbdə İdarənin müdir müavini R.Abasovun iştirakı ilə Daxili keyfiyyət təminatı sisteminin yaradılması ilə bağlı pilot məktəblərin direktor və təlim-tərbiyə işləri üzrə direktor müavinləri ilə AXRTİ-nin sektor müdiri R.Novruzov tərəfindən təlim keçirilmişdir. Təlimdə Daxili keyfiyyət təminat sisteminin mahiyyəti, ümumi təhsil müəssisələrinin üzərinə düşən məsələlər müzakirə edilmiş, hesabatlılığı təmin etmək üçün elektron hesabat formasının təqdimatı keçirilmişdir. Layihənin həyata keçirilməsi ilə bağlı yaxın günlərdə məktəbin rəhbər heyətinə dərsdinləmə, müasir dərsin təşkili mövzusunda təlimlərin keçirilməsi, məktəb rəhbərlərinin koordinator seçilmiş Mehdiabad qəsəbə 4 və Sumqayıt şəhər 9 nömrəli tam orta məktəblərə səfəri nəzərdə tutulmuşdur.