ADU-da imtahandan kənarlaşdırılan tələbələr üçün YENİ QƏRAR

Məlum olduğu kimi, ali təhsil müəssisələrində qış imtahan sessiyası yekunlaşıb.
Maraqlıdır, semestr imtahanlarında nizam-intizamı pozan tələbələrin aqibəti necə olur?
Məsələ ilə bağlı Azərbaycan Dillər Universitetinin (ADU) mətbuat katibi Cavid Zeynallı danışıb:
“Azərbaycan Dillər Universitetində müvafiq qaydalar üzrə nizam-intizamı pozan tələbələrin işləri ləğv olunur. Onlar intizam protokoluna imza çəkirlər. Tələbələr alt qrupda və yay məktəbində o fənni yenidən dinləyərək imtahan verə bilirlər.

Bu il rektorun qərarı ilə nizam-intizam qaydalarını pozaraq, imtahdan kənarlaşdırılan tələbələr də 25% -dən keçərək kəsirlərini bağlaya bilərlər. Yəni həmin tələbələrə yenidən imtahan təşkil olunacaq".