"Məktəbli dostu" layihəsi Azərbaycanda iflasa uğradı

"Məktəblinin dostu" layihəsi Azərbaycanda iflasa uğradı. Buna baxmayaraq, müsabiqə təşkil edilir, layihə davam etdirilir.

Bəli, bütün dünyada bu və buna bənzər bir layihə olsa da, bu məhz Azərbaycanda da olmalıdır deyə bir məcburiyyət yoxdur.

Keçən zaman içində məktəblərin əksəriyyətində narazılıqların yaranmasının və heç bir müsbət halın izlənilməməsinin şahidi olduq.

Qeyd etmək olar ki, məktəbli dostları müəllim valideyn şagird və rəhbərliklər tərəfindən narazılıqla qarşılandı. Layihə özünü dorğultmadı.

Hər bir yeniliyi təhsilimizə tətbiq etməli deyilik. Dünya təhsil sisteminə inteqrasiya etmək hər yeniliyi məhz Azərbaycana gətirmək demək deyil. Bizim hazırda ciddi problemlərimiz var. Ən azından psixoloq, tibbi heyət, məktəb mühafizəsi və ən əsası məktəb direktorları və direktor müavinlərinin ədalətli, humanist seçimi daha önəmlidir.