TKTA-nın Ali təhsil müəssisələrimizin akkreditasiyası zamanı müəssisənin fəaliyyətinin təhlili və qiymətləndirilməsi (güclü tərəflər, zəif tərəflər,
imkanlar və təhdidlər olmaqla) Komissiya tərəfindən institusional akkreditasiya
meyarlarına uyğun olaraq müvafiq 7 istiqamət üzrə aparılır. Bu istiqamətlər aşağıdakılardır:

1. STRATEJİ İNKİŞAF
2. KEYFİYYƏT TƏMİNATI
3. TƏLİM VƏ TƏDRİS
4. ELMİ TƏDQİQAT
5. İDARƏETMƏ SİSTEMİ
6. İNFRASTRUKTUR
7. BEYNƏLMİLƏLLƏŞMƏ

2023-cü il üzrə 10 universitetimiz akkreditasiyadan keçmiş və müvafiq qiymətləndirmə əldə etmişdirlər. Bu qiymətləndirmələri sizlər üçün ümumiləşdirdik:

1. Azərbaycan Texniki Universiteti "əsasən uyğundur"
2. Azərbaycan Dövlət Pedaqoji Universiteti "əsasən uyğundur"
3. Bakı Dövlət Universiteti - " əsasən uyğundur"
4. Azərbaycan Dövlət İqtisad Universiteti - "əsasən uyğundur"
5. Sumqayıt Dövlət Universiteti - təkrar akkreditasiya
6. AzMİU - "əsasən uyğundur"
7. Xəzər Universiteti- "əsasən uyğundur"
8. Lənkəran Dövlət Universiteti - "əsasən uyğundur"
9. Bakı Dövlət Universiteti Qazax filialı-"Uyğun deyil"
10. UNEC Zaqatala Filialı - "Uyğun deyil"

Qeyd edək ki, Universitetlər Akkreditasiya Meyarlarına əsasən aşağıdakı kimi qiymətləndirilir:

1. uyğundur;
2. əsasən uyğundur;
3. qismən uyğundur;
4. uyğun deyil.

Akkreditasiya Meyarları üçün müəyyən olunmuş maksimum bal ölçüsünün akkreditasiya zamanı toplanılan bal üzrə qiymətləndirilməsi aşağıdakı qaydada müəyyənləşdirilir:

1. maksimum balın 91-100 faizi - “uyğundur”;
2. maksimum balın 76-90 faizi - “əsasən uyğundur”;
3. maksimum balın 61-75 faizi - “qismən uyğundur”;
4. maksimum balın 60 və daha aşağı faizi - “uyğun deyil”.