UNEC-in "Maliyyə və audit" kafedrasının professoru, Azərbaycanın Respublikasının və Rusiya Federasiyasının iqtisad elmləri doktoru Elnur Sadıqov Belarusun Polotsk Dövlət Universitetində mühazirə deyib.

tehsil.media xəbər verir ki, Prof. Elnur Sadıqov Polosk Dövlət Universitetinin Maliyyə-iqtisad fakültəsinin magistrlərinə “Dünya ölkələrinin bank sistemi” və “Beynəlxalq valyuta kredit münasibətləri” fənlərini tədris edib.

İnteraktiv metodla tədris olunan mühazirələrdə magistrlərin sualları cavablandıran professor, dünya valyuta sisteminin təkamülündən və banklararası elektron hesablaşmaların üstünlüklərindən də bəhs edib. Mühazirədə dünya ölkələrinin bankları arasında aparılan əməliyyatların daha da sürətləndirilməsi üçün qabaqcıl dövlətlərin təcrübəsindən istifadə edilməsinin təkmilləşdirilməsi xüsusi qeyd edilib.