Dil öyrənmək üçün nə qədər vəsait lazımdır?

Karyera planları və xaricdə təhsil almaq üçün əksər vaxt insanlar xarici dil kurslarına üz tuturlar. Yay tətili günlərində bəzi tələbələr vaxtlarını dil öyrənməyə sərf edirlər. Bu zaman kimisi onlayn, kimisi əyani kurslara üstünlük verir. Ancaq qiymətlər əvvəlki illərdən xeyli fərqlənir.

Kurslardan birinin rəhbəri Xəyyam Dəmirov deyir ki, xarici dil kurslarının qiymətləri müəllimlərin peşəkarlığı və dərs saatlarından asılı olaraq dəyişir. O bildirir ki, son illər onlayn dərslər artsa da, ən çox tələbat əyani dərslərədir.
Xəyyam Dəmiroğlu bildirir ki, ən çox müraciətlər ingilis dili, ən az müraciətlər isə rus dili üzrədir.
Təhsil eksperti Elşən Qafarov bildirib ki, qruplar üzrə dərslər 100-500 manat arasıdır. Fərdi şəkildə daha bahadır, əvvəlki dövrlərdən fərqli olaraq rus dili yox, ingilis dili və digər avropa dillərinə maraq artıb.
İkinci ən çox müraciət olunan dil alman dilidir. Ümumilikdə bir dili il ərzində öyrənmək üçün sərf olunan rəqəm 3000 manatdır.
Ekspert deyir ki, hazırki, qiymətlər xarici ölkələrlə müqayisədə elə də çox deyil.

TƏHSİL MEDİA