BDU-da Təhsil Tələbə Krediti Fondunun nümayəndələri ilə görüş olub

Təhsil Tələbə Krediti Fondunun (TTKF) nümayəndələri Bakı Dövlət Universitetinin (BDU) Kimya, Ekologiya və torpaqşünaslıq fakültələrinin tələbələri ilə görüşüblər.

tehsilmedia.info xəbər verir ki, görüşdə Fondun nümayəndələri Günay Nəzərli və Aynur Bağırova təqdimatla çıxış ediblər. Onlar tələbələrə Fondun fəaliyyəti və təhsil tələbə kreditinin verilməsi qaydaları barədə ətraflı məlumat veriblər. Bu layihənin sosial müdafiəsi zəif olan tələbələrə dəstək məqsədi daşıdığı vurğulanıb. Fond əməkdaşları tələbələri dövlətin yaratdığı imkandan yararlanmağa çağırıblar.

Daha sonra tələbələri maraqlandıran suallar cavablandırılıb.

Qeyd edək ki, TTFK-nin əsas missiyası təhsilin hamı, xüsusilə də əhalinin aztəminatlı təbəqələrindən olan şəxslər üçün əlçatanlığının təmin edilməsi, təhsildə bərabər imkanların yaradılmasıdır.