NDU-nun tələbəsi beynəlxalq müsabiqədə qızıl medal qazanıb

Naxçıvan Dövlət Universitetinin Təbiətşünaslıq və
kənd təsərrüfatı fakültəsinin “Kimya” ixtisası üzrə I kurs tələbəsi Sənan Zeyniyev Rusiyanın Moskva şəhərində təşkil olunan “Erudit" Beynəlxalq Onlayn Kimya Müsabiqəsində I yerə layiq görülüb.

Universitetdən Aztəhsil.az- a verilən məlumata görə, qeyd edilən fakültənin Kimya kafedrasının müəllimi Fizzə Məmmədovanın elmi rəhbərliyi altında sistemli hazırlıq keçən tələbə beynəlxalq müstəvidə bilik və bacarığı ilə seçilərək I dərəcəli diplom və qızıl medalla təltif olunub.

Sənan Zeyniyev müsabiqədə “Kimyəvi elementlərin yaranma tarixi” nominasiyası ilə iştirak edərək həftənin qalibi seçilib və bu nəticə ilə Naxçıvan Dövlət Universitetinin beynəlxalq elmi uğurlarına növbəti birini əlavə edib.