“Pligrim_edu” adlı təhsil şirkəti vətəndaşın 2000 manatını belə mənimsədi.

“Pligrim_edu” adlı şirkət vətəndaşın 2000 manatını belə mənimsədi.

“Millisfera.az” və “Alyans.media” Redaksiyasına müraciət edən Həcər Zülfüqarova adlı vətəndaş bildirib ki, o, 2024-cü ilin sentyabr ayında xaricdə təhsil almaq məqsədilə “Pligrim_edu” adlı şirkətə müraciət edib və müqavilə əsasında aylıq ödənişlər etməyə başlayıb.
Şikayətçinin sözlərinə görə, şirkətə ümumilikdə 2000 manat ödəniş edilməsinə baxmayaraq , vəd olunan xaricdə təhsil prosesi təmin olunmayıb.

Vətəndaş qeyd edir ki, məsələ ilə bağlı şirkətə dəfələrlə müraciət etsə də, ödədiyi vəsaiti geri ala bilməyib.

Şikayətdə daha bir diqqətçəkən məqam isə ödənişlərin şirkətin rəsmi hesabına deyil, şirkət rəhbəri olduğu bildirilən Aisa Aslanovanın şəxsi kart hesabına köçürüldüyü iddiasıdır. Bunu isə qanun pozuntusu və mümkün vergi yayınması kimi qiymətləndirildiyi məlumdur

Qeyd edək ki, bu, adı çəkilən şirkətlə bağlı ilk narazılıq deyil. Daha əvvəl də “Pligrim_edu” barədə müxtəlif vətəndaş şikayətləri yayımlanıb. Bir çox şəxslər ödədikləri vəsaiti geri almaqda çətinlik çəkdiklərini bildiriblər.

Məsələ ilə bağlı qarşı tərəfin mövqeyini dərc etməyə hazırıq.