ADPU Quba filialı rəhbərinin fiziki şəxs kimi vergi borcu yarandı - FOTOFAKT

Azərbaycan Dövlət Pedaqoji Universitetinin (ADPU) Quba filialının direktoru Yusif İmrayıl oğlu Alıyevin dövlətə vergi borcu olduğu məlum olub.

32gun.az-ın əldə etdiyi məlumata görə, direktorun fiziki şəxs qismində dövlət büdcəsinə vergi borcu 868.29 AZN təşkil edir.

Onun adı Dövlət Vergi Xidmətinin (DVX) açıq mənbələrində aktiv vergi ödəyicisi kimi qeyd olunub. Bu isə direktorun fərdi sahibkarlıq fəaliyyəti ilə məşğul olması ehtimalını gündəmə gətirir.

Qeyd edək ki, fiziki şəxsin vergi ödəyicisi kimi aktiv statusda olması adətən sahibkarlıq fəaliyyəti, əlavə gəlir mənbələri və ya digər vergi öhdəlikləri ilə bağlı ola bilər.

Azərbaycan Dövlət Pedaqoji Universitetinin (ADPU) rektoru Cəfər Cəfərovdur. Azərbaycan Dövlət Pedaqoji Universitetinin (ADPU) Quba filialının direktoru Yusif Alıyevdir.

Qeyd edək ki, Azərbaycan qanunvericiliyinə əsasən, universitet rektoru və ya filial direktoru vəzifəli şəxs hesab edildiyi üçün onlara elmi, pedaqoji və yaradıcılıq fəaliyyəti istisna olmaqla, sahibkarlıqla məşğul olmaq qadağandır.

"Korrupsiyaya qarşı mübarizə haqqında" Azərbaycan Respublikası Qanununun 9-cu maddəsinə əsasən, vəzifəli şəxslərə elmi, pedaqoji və yaradıcılıq fəaliyyəti istisna olmaqla, sahibkarlıqla məşğul olmaq və ya sahibkarlıq subyektlərinin idarə heyətində təmsil olunmaq birbaşa qadağandır.