Təhsildə Keyfiyyət Təminatı Agentliyi ADU-da təlim keçib - FOTO
Təhsildə Keyfiyyət Təminatı Agentliyi ilə Azərbaycan Dillər Universiteti (ADU) arasında təlim xidmətlərinin göstərilməsinə dair əməkdaşlıq müqavilələri imzalanıb. İmzalanmış əməkdaşlıq müqavilələrinə əsasən agentlik tərəfindən ADU-da təlim keçirilib.
Universitetdən "tehsilmedia.info"a verilən məlumata görə, təlim Təhsildə Keyfiyyət Təminatı Agentliyinin Keyfiyyət təminatı departamentinin Təlim və metodologiya şöbəsinin müdiri Asiman İlyasov tərəfindən təşkil olunub.
Təlimlərin əsas məqsədi ADU-nun akademik və inzibati heyətinə ali təhsil müəssisələrinin xarici keyfiyyət təminatı qaydalarına və qiymətləndirmə meyarlarına dair geniş məlumatların verilməsidir.
Qeyd edək ki, daxili və xarici keyfiyyət təminatı istiqamətində təlimlər təşkil etmək TKTA-nın öz Nizamnaməsinə əsasən fəaliyyət istiqamətlərindən biridir.
