Küçədə dilənçilik edən uşaq tutulsa, valideynindən dərhal alınmalıdır.

Modern.az xəbər verir ki, bunu Milli Məclisin İctimai birliklər və dini qurumlar komitəsinin sədri Fazil Mustafa parlamentin bugünkü plenar iclasında 2024-cü ildə Azərbaycanda insan alverinə qarşı mübarizəyə dair məlumatın müzakirəsi zamanı deyib.

O qeyd edib ki, dövlət dilənçiliyə cəlb edilən uşaqları öz nəzarətinə götürməlidir: “Onları dövlət müəssisələrinə yerləşdirmək lazımdır”.

F. Mustafa vurğulayıb ki, qanunvericilikdə dəyişiklik edilib, Azərbaycandan kənarda dini təhsilə məcburi cəlb edilən şəxsləri insan alveri qurbanı kimi qeydə almaq vacibdir: “Çünki din təhsili dövlətin nəzarətində olan təhsil müəssisələrində alınmalıdır. Bunlardan kənarda dini təhsilə cəlb edilmə qanunsuzdur”.