Yevlaxda direktor bayrağımızın dalğalanmasından nifrət etdiyini bildirdi...

Yevlax rayonu Qaraməmmədli kənd tam orta məktəbinin direktoru Xəyal Zeynalov məktəbin həyətində ucaldılan Azərbaycan Bayrağını bağlı saxlayır və açıq-aşkar "mənim Azərbaycan Bayrağının dalğalanmasından zəhləm gedir, mən qoymayacam o dalğalana, bağlı saxlayacam" deyir. Bütün məktəb buna şahiddir.

tehsilmedia.info olaraq qeyd edirik ki, bayrağın dirəyini Qaraməmmədli kənd bələdiyyəsi verib, beton töküblər, bərkiyib. Çoxdan bayraq dalğalanmalı idi. Amma Xəyal Zeynalov bayraqdan və bayrağımızın dalğalanmasından nifrət etdiyi üçün qəti şəkildə bağlı saxlayır. Bildirir ki, məni bura Eşqi Bağırov qoyub, mənim arxamda Eşqi Bağırov dayanır. Siz mənə heç nə edə bilməzsiniz. Yevlax Təhsil Sektoru müdiri də, Mərkəzi Aran Regional Təhsil İdarəsi də mənim tərəfimdədir, mənim adamlarımdır. Mənim arxamda dururlar, siz mənə heç nə edə bilməzsiniz. Nə qədər mən burdayam, o bayraq açılmayacaq. Axırıncı varinatda kimsə desə deyəcəm ki, beton qurumayıb. İndidən qeyd edirik ki, beton çoxdan quruyub və məktəb rəhbərliyi bayrağa qarşı, Qarabağda döyüşən, şəhid olan oğullara qarşı o bayrağın bağlanmasını təhqir hesab edir.

Onu da qeyd edək ki, Xəyal Zeynalov kifayət qədər özbaşınalıq edir. Amma bayraq milli mənliyimiz olduğundan bütün rəhbərlik, şagirdlər, valideynlər hər kəs yaranan vəziyyətdən çox narazıdır.