MTI teatr təhsilinə psixi sağlamlıq savadlılığını daxil edir
“Music Theatre International” teatr təhsilində psixi sağlamlıq mövzusunu gücləndirmək üçün yeni və pulsuz rəqəmsal bələdçi hazırlayıb və onu bütün lisenziyalı tamaşaçılara təqdim edəcəyini açıqlayıb.
Aztəhsil.az xarici KİV-ə istinadən xəbər verir ki, “Music Theatre International” bu məqsədlə “Mental Health Literacy Collaborative” ilə əməkdaşlıq edərək “Supporting the Whole Performer: Mental Health Literacy in Theatre” adlı bələdçini istifadəyə verib.
Bələdçi dörd əsas istiqaməti əhatə edir: dayanıqlılıq, münasibətlər və empatiya, sağlamlıq faktorlarını anlama və identiklik mövzuları.
Sənəd teatr müəllimlərinə və yaradıcı heyətə məşq və səhnələşdirmə prosesində psixi sağlamlıqla bağlı mövzuları daha düzgün idarə etməyə kömək etməyi hədəfləyir.
“Music Theatre International” rəsmiləri bildiriblər ki, teatr gənclərin emosional və sosial bacarıqlarını inkişaf etdirmək üçün vacib platformadır və bu təşəbbüs həmin prosesə dəstək məqsədi daşıyır.
“Mental Health Literacy Collaborative” rəhbərliyinin fikrincə, yeni resurs sayəsində teatr komandaları gənclərlə psixi sağlamlıq mövzusunda daha rahat və effektiv ünsiyyət qura biləcəklər.
Rəqəmsal bələdçi yaxın həftələrdə bütün “Music Theatre International” lisenziya paketlərinə daxil ediləcək.
"Music Theatre International" 1952-ci ildə amerikalı bəstəkar və söz yazarı Frank Loesser və orkestrator Don Volker tərəfindən Nyu-York şəhərində təsis edilmiş teatr lisenziyalaşdırma agentliyidir.
