DİM-də təlim:“İşgüzar fəaliyyətin səmərəli təşkili”

Azərbaycan Respublikası Prezidentinin 2022-ci il 22 iyul tarixli 3378 nömrəli Sərəncamı ilə təsdiq edilmiş “Azərbaycan Respublikasının 2022-2026-cı illərdə sosial-iqtisadi inkişaf Strategiyası”nın icrası ilə əlaqədar olaraq 22, 23 və 24 iyul 2024-cü il tarixlərində Dövlət İmtahan Mərkəzinin Elektron imtahanlar korpusunda təlimçi Anar Həsənov tərəfindən mərkəzi icra hakimiyyəti orqanlarında qulluq keçən dövlət qulluqçuları üçün “İşgüzar fəaliyyətin səmərəli təşkili” mövzusunda təlim təşkil olunub.

Təlim zamanı iştirakçılar vaxtın idarə edilməsi, prioritetlərin müəyyən edilməsi, iş bölgüsü, məqsədlərin qoyuluşu üzrə peşəkarlığın artırılması və s. mövzularında nəzəri və praktiki biliklərə yiyələniblər.

Təlimin sonunda mövzu ətrafında müzakirələr aparılıb və təlim iştirakçılarının sualları cavablandırılıb.