BDU tələbələri Fizika İnstitutunda istehsalat təcrübəsində - FOTO
Bakı Dövlət Universitetinin (BDU) Fizika fakültəsinin lV kurs tələbələri Elm və Təhsil Nazirliyinin Həsən Abdullayev adına Fizika İnstitutunda istehsalat təcrübəsi keçirlər.
BDU-dan bildirilib ki, istehsalat təcrübəsinin əvvəlində tələbələrə institutun fəaliyyəti, buradakı laboratoriyalar və aparılan elmi-tədqiqat işləri barədə məlumat verilib. Tələbələr nanoquruluşlar, aşqarlar haqqında məlumatlar əldə edib, institutun laboratoriyalarında eksperimentlər aparıblar. Onlara “Perki Elmer LS-55 Luminessent” spektrometri, sintez peçi, multimetr avadanlığının iş prinsipləri izah edilib. Tələbələr təcrübə müddətində CaS, Ga2S3 kimi müxtəlif metodlarla sintez oluna bilən birləşmələrin alınma texnologiyaları ilə də tanış olublar.
