ADU tələbələri İndoneziyanın Azərbaycandakı Səfirliyində istehsalat təcrübəsi keçiblər - FOTO
Azərbaycan Dillər Universitetinin Beynəlxalq münasibətlər və regionşünaslıq fakültəsinin IV kurs tələbələri- Xansu Abasquluzadə və Ayxan Əlibəyli İndoneziya Respublikasının Azərbaycandakı Səfirliyində istehsalat təcrübəsi keçiblər.
Bu barədə "tehsilmedia.info”a ADU-dan məlumat verilib.
Bildirilib ki, jstehsalat təcrübəsi müddətində təcrübəçilər Səfirliyin fəaliyyəti ilə yaxından tanış olub, onlara verilmiş tapşırıqları yerinə yetiriblər.
Xansu Abasquluzadə “Azərbaycan-İndoneziya münasibətləri: sosial-mədəni əməkdaşlıqda imkanlar və problemlər”, Ayxan Əlibəyli “Azərbaycanın Cənubi Qafqaz regionunda iqtisadi fürsətləri və çətinlikləri” mövzusunda tədqiqat işi aparıblar.
Bundan əlavə, onlar Azərbaycan mətbuatında Azərbaycan-İndoneziya münasibətlərinə aid məlumat toplayıblar.
İstehsalat təcrübəsinin sonunda Xansu Abasquluzadə və Ayxan Əlibəyliyə uğurla bitirdiklərinə görə sertifikat və xasiyyətnamə təqdim edilib.
