ABŞ-nin Madison şəhərində yerləşən Viskonsin Universitetinin alimlər qrupu ilk dəfə olaraq 3D printerdən istifadə edərək, əsl beyin kimi böyüyə və fəaliyyət göstərə bilən insan beyin toxuması yaradıblar.

Onlar beyin hüceyrələrini daha yumşaq bir gelə yerləşdiriblər və nəticədə material kifayət qədər dözümlü alınıb, bununla belə bu neyronların birləşməsinə və siqnal mübadiləsinə imkan verir.

“Beyin qabığını və zolaqlı cismi çap etdik və aşkar etdiklərimiz olduqca heyrətamizdir. Beynin müxtəlif hissələrinə aid fərqli hüceyrələri çap etdikdə belə, onlar bir-biri ilə xüsusi və spesifik bir şəkildə danışa bilirdilər”, - deyə alimlər qeyd ediblər.

Çap olunmuş beyin toxuması Daun sindromu, Altsheymer və ya Parkinson xəstəliklərində hüceyrələr arasında siqnalın öyrənilməsi, həmçinin yeni dərmanların sınaqdan keçirilməsi üçün istifadə oluna bilər.