Türküstan vilayətindəki “Qarabağ” məktəbində Zəfər Günündən bəhs edilib - FOTO

Qazaxıstanın Türküstan vilayətində fəaliyyət göstərən “Qarabağ” Azərbaycan həftəsonu məktəbinin növbəti dərsi 8 Noyabr – Zəfər Günü mövzusuna həsr olunub.

tehsil.media xəbər verir ki, dərs zamanı məktəblilərə Azərbaycanın müasir tarixinə qızıl hərflərlə həkk olunmuş Zəfər Günü barədə ətraflı məlumat verilib. Azərbaycan Prezidenti, Müzəffər Ali Baş Komandan İlham Əliyevin qətiyyətli rəhbərliyi ilə rəşadətli Silahlı Qüvvələrimizin Qarabağı erməni işğalçılarından azad etdiyi, şanlı Azərbaycan Dövlət Bayrağının Qarabağın hər kəndində və şəhərində ucaldıldığı, ölkəmizin suverenliyinin və ərazi bütövlüyünün tam şəkildə bərpa olunduğu diqqətə çatdırılıb.

Üç il öncə yaşanan sevincli günləri, dövlət başçımızın məşhur “Əziz Şuşa, sən azadsan!” bəyanatını əks etdirən fotoşəkilləri nümayiş etdirən şagirdlərin ifasında Azərbaycan həsr olunmuş şeirlər səsləndirilib.

Qeyd edək ki, bu məktəb Ramilə Mustafayevanın rəhbərlik etdiyi “Qarabağ” Azərbaycan Etnomədəni Birliyinin nəzdində fəaliyyət göstərir.