LDU-da Ulu Öndərin 100 illiyinə həsr edilmiş elmi sessiya keçirilib - FOTO
Lənkəran Dövlət Universitetində (LDU) Ümummilli Lider Heydər Əliyevin 100 illik yubileyi ilə əlaqədar tədbir keçirilib.
tehsilmedia.info xəbər verir ki, Elm və Təhsil Nazirliyinin Geologiya və Geofizika İnstitutunun və AMEA-nın Lənkəran Regional Elmi Mərkəzinin birgə təşkil etdiyi səyyar elmi sessiyanı giriş sözü ilə Lənkəran Dövlət Universitetinin rektorunun müşaviri, professor Mikayıl Məhərrəmov açıb. Ulu Öndərin Azərbaycan dövlətçiliyinin möhkəmləndirilməsində, iqtisadiyyatın bütün sahələr üzrə inkişafında misilsiz xidmətlərindən söz açan professor M.Məhərrəmov Ümummilli Liderin ölkə elminin tərəqqisindəki rolunu da xüsusi dəyərləndirib, bu xəttin Prezident İlham Əliyev tərəfindən bu gün uğurla davam etdirildiyini tədbir iştirakçılarının diqqətinə çatdırıb.
Elmi sessiyada AMEA-nın Lənkəran Regional Elmi Mərkəzinin direktoru, professor Fərman Quliyev “Heydər Əliyev və Azərbaycanda subtropik bitkiçiliyi” məruzəsində Ümummilli Liderin rəhbərliyi dövründə subtropik bitkiçiliyinin, çayçılığın dinamik inkişafını və əldə edilmiş nailiyyətləri, müstəqillik dövründə bu sahənin yenidən canlandırılması üçün Ulu Öndər və Prezident İlham Əliyev tərəfindən həyata keçirilən tədbirləri diqqətə çatdırıb.
Tədbirdə AMEA-nın müxbir üzvü Tələt Kəngərli “Lənkəran-Astara iqtisadi rayonunun müasir təbii şəraiti və onu əks etdirən yeni xəritələr komplekti”, Geologiya və Geofizika İnstitutunun Geoekologiya və Hidrogeologiya şöbəsinin müdiri, professor Vaqif Məmmədov “Azərbaycanın su hövzələrinin ekologiyası: gələcəyə baxış”, Sözügedən institutun İctimaiyyətlə əlaqələr şöbəsinin müdiri Şirməmməd Nəzərli “Yer elmlərinin populyarlaşdırılmasında (təbliğində) elmi jurnalistikanın rolu”, LDU-nun Coğrafiya və onun tədrisi metodikası kafedrasının müdiri dos. Sənan Əzizov “Lənkəran-Astara iqtisadi rayonunda təbii şəraitin əhalinin və yaşayış məntəqələrinin yüksəklik qurşaqları üzrə yerləşməsinə təsiri” mövzularında məruzələri dinlənilib.
Məruzələrdə Ümummilli Lider Heydər Əliyevin Azərbaycanda aqrar sahənin inkişafındakı rolu, bu sahədəki çoxşaxəli fəaliyyəti, Azərbaycanda sitrus meyvəçiliyin və çayçılığın inkişafı istiqamətində görülən işlər, Lənkəran-Astara iqtisadi rayonunun müasir təbii şəraiti və onu əks etdirən yeni xəritələrin tərtibi, yaxın zamanlarda dünyanı gözləyən içməli su problemi və onun həlli yolları, Azərbaycan elminin təbliği məqsədilə elm adamlarının və jurnalistlərin birgə faəliyyətinin vacibliyi və s. barədə ətraflı söz açılıb, təqdim edilən mövzuların slaydlar və diaqramlarla elmi təhlili verilib.
Elmi sessiyanın sonunda auditoriyanı maraqlandıran suallar cavablandırılıb, Geologiya və Geofizika İnstitutunun elmi nəşrləri LDU-nun Elmi kitabxanasına hədiyyə edilib.
