Bu müəllimlərin yerdəyişməsi üçün vakansiya seçimi sabah başa çatacaq
Aprelin 20-dən müəllimlərin iş yerinin dəyişdirilməsi müsabiqəsinin vakansiya seçimi mərhələsinə start verilib.
tehsilmedia.info xəbər verir ki, ilkin vakansiya seçimi mərhələsində Elm və Təhsil Nazirliyi sisteminə daxil olan dövlət ümumi təhsil müəssisələrində çalışan şəhid ailələrinin üzvləri iştirak edirlər. Namizədlər şəxsi səhifələrinə daxil olaraq vakant yer seçimi edə bilərlər. Müəllimlərin iş yerinin dəyişdirilməsi müsabiqəsi üzrə vakansiya seçimi birinci mərhələdə 25 aprel saat 11:00-dək davam edəcək.
Vakansiya seçimi mərhələsində iştirak edəcək şəxslərə diqqətli olmaq və seçim etdikdən sonra elektron ərizələrini təsdiqləməyi unutmamaq tövsiyə edilir.
Şəhid ailələrinin üzvlərinin vakansiya seçimi yekunlaşandan sonra digər müəllimlərin yerdəyişmə seçimi üçün sistem aktivləşəcək.
