Bu il ali təhsil müəssisələrinə dövlət sifarişli yerlərin sayı artırılıb. Ümumi yerlərin yarısı, yəni 28000-i dövlət sifarişli yerlərə ayrılıb.

tehsil.media xəbər verir ki, bakalavr pilləsinə ixtisas seçimi avqustun ilk 10 günlüyündə keçiriləcək. Bütün ixtisas qrupları üzrə ümumi balı 200, ikinci mərhələdə isə blok üzrə 150-dən çox olan abituriyentlər qrupun bütün ixtisaslarını seçə bilərlər.

Bəs görəsən bu il ali təhsil müəssisələrinə qəbulda keçid balları aşağı salına bilərmi?

Bu il I ixtisas qrupu üzrə ali təhsil müəssisələrinə qəbul olmaq istəyənlərin şansı daha yüksəkdir. Çünki bu qrup üzrə plan yeri 17 mindən çoxdur.
Təhsil eksperti Kamran Əsədov bildirir ki, I qrupun prestijli ixtisasları hesab olunan İKT, Kompüter elmləri, Kompüter mühəndisliyi kimi ixtisaslarda keçid balı 30 bala kimi azaldıla bilər. Həmçinin abituriyentlər 220 balla Kənd təsərrüfatı ixtisasına qəbul ola bilərlər.
Hətta bu il özəl universitetlərdə dövlət sifarişli yerlər də kifayət qədər olacaq.
III ixtisas qrupunda da qəbul şanslarının yüksək olduğu bildirilir. Belə ki, bu ixtisas qrupu üzrə dövlət sifarişli yerlərin sayı artaraq 16 min olub. Həmçinin bu il bu ixtisas qrupu üzrə ballar 20-30 bal endirilə bilər. Yəni, müsabiqə şərtini ödəyən hər kəs ali təhsil müəssisəsinə qəbul ola bilər. Bir sıra təhsil müəssisələrində yeni ixtisaslar yaradılıb.
Təhsil ekspertinin sözlərinə görə, II ixtisas qrupu üzrə plan yeri 14 mindən çoxdur. Turizmin təşkili, Coğrafiya müəllimliyi kimi ixtisaslara 280 balla pulsuz qəbul olmaq olar.
Bu il ən az plan yeri isə IV qrupdadır.

TƏHSİL MEDİA