Doktorantlar və gənc tədqiqatçılar üçün təlim təşkil olunacaq

Azərbaycan Respublikasının Təhsil İnstitutu (ARTİ) 2023-cü il noyabrın 10-11-də doktorantların və gənc tədqiqatçıların XXVI Respublika elmi konfransını (NASCO) keçirir.

ARTİ-dən "tehsilmedia.info"a bildirilib ki, NASCO-nun keçirilməsində əsas məqsəd doktorantların və gənc tədqiqatçıların apardıqları elmi-tədqiqat işlərinin nəticələrinin müzakirəsini təşkil etmək, habelə onların elmi yaradıcılığını stimullaşdırmaqdır.

ARTİ tərəfindən 14 iyul 2023-cü il saat 15:00-da doktorantlar və gənc tədqiqatçılar üçün təlim təşkil olunacaq.

Tezisin yazılma qaydaları və uğurlu tədqiqatın aparılması təlimin əsas mövzularıdır.

Təlimdə spiker qismində ARTİ-nin direktor müavini Könül Abaslı çıxış edəcək. O, bakalavr və magistratura təhsilini Bakı Slavyan Universitetində, doktorantura təhsilini isə Türkiyədə Hacettepe Universitetində almışdır.

Sözügedən konfrans haqqında qeyd olunmuş keçiddən (https://shorturl.at/cstNR) ətraflı məlumat əldə edə bilərsiniz.

Təlimdə iştirak etmək üçün qeydiyyat formasına keçid: https://forms.office.com/r/FuUkLmp9sM

Sözügüdən təlimdə iştirak etmək üçün öncədən qeydiyyatdan keçmək vacibdir.

Qeydiyyatdan keçmiş şəxslərə onlayn infosessiyaya qoşulmaq üçün elektron poçt vasitəsi ilə 13 iyul 2023-cü il tarixində keçid göndəriləcək.