Məktəb yolunda böyük təhlükə: Üstü açıq elektrik naqilləri valideynləri qorxudur - VİDEO

Üstü açıq elektrik naqilləri olduqca təhlükəlidir.

tehsilmedia.info xəbər verir ki, Xırdalanda Nəsibə Zeynalova küçəsində məktəb yolunda azyaşlılar üçün təhlükə olan elektrik dirəkləri var.
Küçə boyu hərəkət edən zaman üstü açıq elektrik naqilləri olan işıq dirəklərinə rast gəlmək mümkündür. Bu yoldan keçən valideynlər də uşaqlarına görə narahatdırlar.
Hərəkətin intensiv olduğu bu küçə şagirdərin məktəbə getmək üçün mütəmədi istifadə etdikləri yoldur. İşıq dirəklərində naqillərin çöldə olmasından əlavə, bir neçə dirək varkən yıxılma təhlükəsi yüksəkdir.
Müraciətdən sonra Abşeron rayonu İcra Hakimiyyətinin Xırdalan şəhəri inzibati ərazi dairəsi üzrə nümayəndəliyi lazımi tədbirlərin görülməsi üçün əraziyə işçi qüvvəsi cəlb edib.
Aidiyyatı qurumdan bildirildi ki,işlər bir neçə gün ərzində yekunlaşacaq və bu problem aradan qalxacaq.