Göyçay 7 nömrəli məktəbin direktoru Sərvət Ağayevdə Mehman Hüseynova qarşı sevgi hardan qaynaqlanır? Foto-Fakt

Göyçay şəhər 7 nömrəli tam orta məktəbin direktoru ilə bağlı narazılıqlar artır – müəllim və valideynlər iddialar səsləndirir.

Turkdunyasi.az Olkemedia.az-a istinadən xəbər verir ki, son günlər sosial şəbəkələrdə Göyçay şəhər 7 nömrəli tam orta məktəbin direktoru Sərvət Ağayevlə bağlı narazılıqların artdığı barədə məlumatlar yayılıb. Müəllim və valideynlərin iddialarına görə, direktor məktəbdə ciddi nöqsanlara yol verir və fəaliyyətində şəffaflıqla bağlı suallar yaradır.

İddia olunur ki, Sərvət Ağayev Mərkəzi Aran Regional Təhsil İdarəsinin müdir müavini Cavad Cavadov və Göyçay rayon Təhsil Sektorunun müdiri Rauf Məmmədov tərəfindən himayə olunur və bu səbəbdən məktəbdə yaranan problemlərlə bağlı şikayətlərə adekvat reaksiya verilmir.
Məlumatlara görə, Sərvət Ağayev daha əvvəl Göyçay şəhər internat tipli məktəbin direktoru işləyib və həmin dövrdə aparılan yoxlama zamanı ciddi nöqsanlar aşkarlandığı üçün 2022-ci ildə töhmət alıb. Sosial şəbəkələrdə yayılan iddialara əsasən, həmin töhmətə baxmayaraq, o, daha böyük – 56 sinif komplekti olan şəhər 7 nömrəli məktəbə direktor təyin edilib.Müəllimlərin iddia etdikləri nöqsanlar
Müəllim kollektivi arasında gərginliyin artdığı bildirilir. İddialara görə:
eyni müəllimə bir neçə sinif rəhbərliyi verilir;
dərnək saatlarının bölüşdürülməsində şəxsi maraqlar nəzərə alınır;
dərs bölgüsü peşəkarlıq və sertifikat nəticələri nəzərə alınmadan aparılır;
vəzifə bölgüsündə qanunvericiliyin tələbləri gözlənilmir;
şikayət edən müəllimlərə təzyiq göstərildiyi iddia olunur.
Valideynlərin narahatlığı
Bir çox valideynlərin müraciətlərində qeyd edilir ki, son illərdə məktəbdə tədris keyfiyyəti aşağı düşüb və nəticədə onlarla ailə övladlarını digər məktəblərə köçürməyə məcbur olub. Bildirilir ki, direktorun fəaliyyətə başlamasından sonra məktəbdə 8 sinif komplekti azalıb.
Valideyn və müəllimlər iddia edir ki, onların şikayətləri Göyçay rayon Təhsil Sektorunda və Regional Təhsil İdarəsində obyektiv araşdırılmır.
Qeyd: Sərvət Ağayev 2019-cu ildə öz şəxsi Facebook hesabında bloger Mehman Hüseynovun azadlığa buraxılması ilə bağlı paylaşım edib. Hətt da bunu acizanə şəkildə xaiş etdiyini bildirib.
“Sərvət Ağayev və Mehman Hüseynov arasında hansısa əlaqələr var?”
Hazırda bu məsələ ilə bağlı da rəsmi açıqlama yoxdur və yayılan məlumatlar yalnız sosial media müzakirələrinə əsaslanır.
Rəsmi mövqelər açıqlanmayıb