AMEA-nın Mərkəzi Elmi Kitabxanasında (MEK) Azərbaycan Respublikasının Prezidenti yanında Dövlət İdarəçilik Akademiyasının rektoru, "Şərəf” ordenli, AMEA-nın həqiqi üzvü, biologiya elmləri doktoru, professor Urxan Ələkbərovun 80 illik yuileyi münasibətilə kitab sərgisi təşkil olunub.

Bu barədə "tehsil.media"a AMEA-dan bildirilib.

Sərgidə təqdim edilən kitablar Azərbaycan və rus dillərində olmaqla texniki, ictimai-siyasi sahələri əhatə edir.

Burada Urxan Ələkbərovun "Davamlı inkişaf və ekoloji sivilizasiyanın idarə edilməsinin əsasları” dərsliyi, "İnklüziv inkişafın idarə edilməsinin əsasları”, "Davamlı insan inkişafı və ekoloji sivilizasiyanın əsasları”, "İnsan inkişafının əsasları”, eləcə də "Dövlət idarəçiliyində varislik, novatorluq və dinamizm. İlham Əliyevin prezidentlik fəaliyyətinin xronikası: rəsmi qəbul və səfərlərinin icmalı (2008, oktyabr - 2010)”, "Biologiya”, "Ekologiya dünyamızın bugünü və sabahı” uşaq ensiklopediyası və digərləri nümayiş etdirilir.

Qeyd edək ki, kitablardan humanitar və texniki elmləri öyrənən, dövlət idarəçiliyinin müxtəlif istiqamətləri üzrə ixtisaslaşan tələbələr, həmçinin davamlı inklüziv inkişaf sahəsində ixtisasını artıran mütəxəssislər yaralana bilərlər.