BDU əməkdaşları Ankara Universitetinin həyətində Heydər Əliyevin 2001-ci ildə əkdiyi ağacı ziyarət ediblər - FOTO
Türkiyənin Ankara şəhərində Bakı Dövlət Universiteti (BDU) və Ankara Universitetinin birgə təşkilatçılığı ilə Ümummilli Lider Heydər Əliyevin 100 illik yubileyinə və Türkiyə Cümhuriyyətinin 100-cü ildönümünə həsr olunmuş "Bir millət, iki dövlət" adlı Beynəlxalq elmi konfrans öz işinə başlayıb.
Bu barədə "tehsilmedia.info" a BDU-dan məlumat verilib.
Konfransdan öncə Ulu Öndər Heydər Əliyev tərəfindən 2001-ci il martın 16-da Ankara Universitetinin həyətində, Türkiyə Respublikasının qurucusu Mustafa Kamal Atatürkün heykəlinin yanında əkdiyi ağac ziyarət olunub. Ulu Öndər Heydər Əliyevin Ankara Universitetinin həyətində əkdiyi fidan bu gün uca bir ağaca çevrilib. İki qardaş ölkə arasındakı dostluğun, birgəliyin qüdrəti kimi möhkəm gövdə üzərində qürurla ucalır.
Qeyd edək ki, 2020-ci il dekabrın 14-də ağacın yanında xatirə lövhəsinin açılışı olub. Lövhənin üzərində ağacın əkilmə tarixi və həmin anları xatırladan foto həkk olunub.
