“Layihələrin idarəedilməsi“ mövzusunda təlim təşkil olunub

Dövlət İmtahan Mərkəzi tərəfindən 27-28 aprel 2023-cü il tarixində Azərbaycan Respublikası Audiovizual Şurasının 4 nəfər əməkdaşı üçün "Layihələrin idarəedilməsi” mövzusunda təlim keçirilib.

Bu barədə "tehsilmedia.info"a DİM-dən məlumat verilib.

Təlim zamanı DİM-in Hüquqi təminat,insan resursları və dövlət qulluğu departamentinin PMP(Project Management Professional) sertifikatlı əməkdaşı Gündüz Əhmədli tərəfindən layihə anlayışı, layihələrin növləri, layihələrdə insan faktoru, ənənəvi layihələr və onların tətbiq sahələri, hibrid layihələr, çevik (agile) layihələr və onların tətbiqi məsələlərinə toxunulmuşdur. Təlimçinin layihələr sahəsində paylaşdığı nəzəri və praktiki biliklər təlim iştirakçıları tərəfindən maraqla qarşılanmış və yüksək qiymətləndirilmişdir.

Qeyd edək ki, dövlət qurumlarının, özəl sektorun və vətəndaşların müraciətləri əsasında bu və digər mövzularda təlimlər təşkil olunacaq.

Təlimlərdə iştirak etmək istəyən şəxslər r.cahangirbayli@dim.gov.az elektron poçt ünvanına və ya (012) 3105316 (daxili 1221) nömrəsinə müraciət edə bilərlər.