Gəncədə Mir Cəlal Paşayevin ev-muzeyində Ulu Öndərin 100 illiyinə həsr olunmuş tədbir keçirilib
09 Sentyabr 2023-cü il tarixində Milli Aviasiya Akademiyasının və Gəncə Şəhər İcra Hakimiyyətinin birgə təşkilatçılığı ilə Gəncə şəhərində Mir Cəlal Paşayevin ev muzeyində Ulu Öndər Heydər Əliyevin 100 illik yubileyinə həsr olunmuş tədbir keçirilib.
tehsilmedia.info xəbər verir ki, əvvəlcə tədbir iştirakçıları Ümummilli Lider Heydər Əliyevin abidəsini ziyarət edib, abidənin önünə gül dəstələri qoyublar.
Mir Cəlal Paşayevin ev-muzeyində davam edən tədbirdə Milli Aviasiya Akademiyasının (MAA) rektoru, akademik Arif Paşayevin salamları və ürək sözləri çatdırılıb.
Milli Aviasiya Akademiyasının I prorektoru, professor Ədalət Səmədov, Gəncə Şəhər İcra Hakimiyyətinin başçısı Niyazi Bayramov, Akademiyanın professoru, Xalq şairi Nəriman Həsənzadə, AMEA Gəncə bölməsinin sədri, akademik Fuad Əliyev, Milli Aviasiya Akademiyası rektorunun köməkçisi, dosent Gülnarə Əhmədova və MAA dosenti Aygün Zeynalova Ümumilli Lider Heydər Əliyevin yürütdüyü uzaqgörən siyasət və zəngin ömür yolu barədə danışıblar. Böyük yazıçı, alim və görkəmli ədib Mir Cəlal Paşayevin ədəbi irsi, Azərbaycan ədəbiyyatının inkişafında və məzmunca zənginləşməsindəki rolunu vurğulayıblar.
Milli Aviasiya Akademiyasının tələbələri Ümummilli Liderə həsr olunan şeir və musiqilər səsləndiriblər. Həmçinin görkəmli ədib Mir Cəlal Paşayevin ədəbi yaradıcılığından səhnələr canlandırılıblar.
Tədbirdən sonra qonaqlar Heydər Əliyev Mərkəzini ziyarət ediblər, Ulu Öndər Heydər Əliyevin həyat və fəaliyyəti, eləcə də onun Gəncəyə səfərləri və Gəncə şəhərinin inkişafındakı rolunu özündə əks etdirən eksponatlarla tanış olublar.
Tədbirdə çıxışçılardan əlavə Milli Aviasiya Akakdemiyasının prorektorları professor Xəqani Abdullayev, Rafiq Həsənov, professor-müəllim heyəti, Milli Məclisin deputatı Pərvin Kərimzadə, Gəncə Dövlət Universitetinin rektoru, professor Yusif Yusibov, Azərbaycan Texnologiya Universitetinin rektoru vəzifəsini müvəqqəti icra edən Yaşar Ömərov, Azərbaycan Dövlət Aqrar Universitetinin rektoru Zəfər Qurbanov və Gəncə Şəhər Məhkəməsinin sədr müavini, MAA məzunu Tural Qocayev qonaq olublar.
Sonda tədbir iştirakçılarına Milli Aviasiya Akademiyasının adından xatirə hədiyyələri təqdim edilmişdi.
