Şamaxı Astrofizika Rəsədxanasının Elmi şurasının iclası keçirilib

Elm və Təhsil Nazirliyinin Nəsirəddin Tusi adına Şamaxı Astrofizika Rəsədxanasının Elmi şurasının növbəti iclası keçirilib.

AMEA-dan "tehsilmedia.info"a bildirilib ki, yətədbiri rəsədxananın baş direktoru, AMEA-nın müxbir üzvü Namiq Cəlilov açaraq gündəlikdə duran məsələlər barədə şura üzvlərinə məlumat verib.

İclasın gündəliyinə uyğun olaraq öncə rəsədxanada fəlsəfə və elmlər doktoru hazırlığı üzrə doktorantura və dissertanturaya sənəd qəbulu haqqında aidiyyatı şəxslərin çıxışları dinlənilib. Ümumi müzakirədən sonra qəbul planının icrası ilə bağlı müvafiq qərar qəbul olunub.

Daha sonra "Heydər Əliyev İli” ilə əlaqədar tədbirlər planı çərçivəsində təşkil olunacaq tədbirlər barədə müzakirə aparılıb. Cari ilin ikinci rübündə keçiriləcək tədbirlərin yüksək səviyyədə təşkili üçün təkliflər səsləndirilib və qərar qəbul edilib.