Ümumi təhsil müəssisəsinin idarəetmə heyətindən şagirdlərin məktəbdaxili nizamintizam qaydalarının tətbiqi, korreksiyaedici tədbirlərin həyata keçirilməsi və zəruri
qeydiyyatın aparılması tələb olunur.
Ümumi təhsil müəssisəsinin Pedaqoji Şurası tərəfindən verilmiş qərarlar Azərbaycan
Respublikası qanunlarına zidd olmamalıdır.
Bütün ümumi təhsil müəssisələri Nizam-intizam Şurası (NİŞ) yaratmalıdır. NİŞ,
adətən, məktəb rəhbərliyi, təhsilverənlər (sinif rəhbəri, fənn müəllimləri, psixoloqlar
və s.) və ən azı bir valideyn daxil olmaqla 5-7 nəfərdən ibarət olur. Direktor şuranı
aşağıdakı hallarda toplayır:
● qayda pozuntusunun səviyyəsini müəyyən etmək və/və ya müvafiq
korreksiyaedici tədbirin tətbiqi zərurəti yarandıqda;
● valideyn\qanuni nümayəndə övladı barədə verilmiş korreksiyaedici tədbir
barədə qərara rəsmi şəkildə etiraz etdikdə;
● məktəbdaxili nizam-intizam qayda və prosedurlarını yenidən nəzərdən
keçirməyə ehtiyac olduqda.