https://tehsilmedia.info/ tr Təhsil Media DataLife Engine https://tehsilmedia.info/index.php?newsid=18002 https://tehsilmedia.info/index.php?newsid=18002

Məlum olduğu kimi, Ümumdünya Şəhərsalma Forumunun On Üçüncü sessiyasının (WUF13) Bakıda keçirilməsi ilə əlaqədar paytaxtda fəaliyyət göstərən təhsil müəssisələrində tədris distant formada keçiriləcək. Elm və təhsil naziri Emin Əmrullayev Bakıdakı peşə, orta ixtisas və ali təhsil müəssisələrində tədrisin mayın 18-dən 22-dək distant (məsafədən) formada təşkil olunacağı ilə bağlı Əmr imzalayıb.

Redaktor.az-ın xəbərinə görə, Lakin bəzi tələbələr “Qafqazinfo”ya müraciət edərək təhsil aldıqları universitetlərdə tədrisin ənənəvi qaydada davam etdiriləcəyini bildiriblər. Onların sözlərinə görə, rəhbərlik tərəfindən bu qaydanın paytaxtın kənarda yerləşən ali məktəblərinə şamil edilməyəcəyi barədə xəbərdarlıq edilib.

Məsələyə aydınlıq gətirmək üçün Elm və Ali Təhsil üzrə Dövlət Agentliyinə sorğu ünvanladıq. Qurumdan bildirildi ki, 18-22 may tarixlərində Bakıdakı bütün ali və orta ixtisas məktəblərində tədris onlayn formada təşkil ediləcək: “Bu təcrübə pandemiya dövründən mövcuddur və bu formata keçidlə bağlı heç bir çətinlik yoxdur, maddi və texniki imkanlar buna cavab verir”.]]> sakit Thu, 07 May 2026 13:03:36 +0400 https://tehsilmedia.info/index.php?newsid=18001 https://tehsilmedia.info/index.php?newsid=18001

Bu gün “Ən yaxşı təqdimat” müsabiqəsinin qaliblərinin mükafatlandırılma mərasimi keçirilib.

Redaktor.az “Qafqazinfo”ya istinadla verir ki, əvvəlcə dövlət himni səsləndirilib, ardınca Ulu Öndər Heydər Əliyevin və torpaqlarımızın azadlığı uğrunda canından keçən şəhidlərin əziz xatirəsi birdəqiqəlik sükutla yad edilib.

Yeni Azərbaycan Partiyası sədrinin müavini, Milli Məclis sədrinin birinci müavini Əli Əhmədov “Ən yaxşı təqdimat” müsabiqəsinin 20 ildən artıqdır Azərbaycanda Heydər Əliyev irsinin gənclər arasında təbliği və öyrənilməsində xüsusi rol oynadığını vurğulayıb.

O bildirib ki, Heydər Əliyevin siyasətini uğurla davam etdirən və Azərbaycan dövlətini böyük inkişaf mərhələsinə çatdıran Prezident İlham Əliyevin də gənclərə tövsiyəsi Ulu Öndərin vəsiyyətinə əməl edərək ən müasir biliklərə yiyələnməkdir.

Elm və təhsil naziri Emin Əmrullayev “Ən yaxşı təqdimat” müsabiqəsinin Azərbaycanın köklü və ənənəvi təhsil müsabiqələrindən birinə çevrildiyini deyib. Nazir qeyd edib ki, Heydər Əliyevin irsinin öyrənilməsi, onun fikir və ideyalarının yeni nəsil arasında təbliği olduqca vacibdir.

YAP sədrinin müavini-Mərkəzi Aparatın rəhbəri Tahir Budaqovun sözlərinə görə, ümumi təhsil müəssisələrinin 9-11-ci sinif şagirdləri arasında keçirilən “Ən yaxşı təqdimat” müsabiqəsi Heydər Əliyev irsinin daha dərindən öyrənilməsi və vətənpərvər gəncliyin yetişməsi baxımından xüsusi əhəmiyyət kəsb edir.

Qeyd edək ki, builki müsabiqədə ölkə üzrə 3181 şagird iştirak edib. Müsabiqəyə təqdim olunan işlər komissiya tərəfindən qiymətləndirilib və hər rayon və şəhər üzrə kvotaya əsasən 87 şagird ölkə mərhələsində iştirak hüququ qazanıb. Ölkə mərhələsində şagirdlər verilmiş 5 mövzudan biri üzrə təqdimat ediblər. Onların çıxışları qiymətləndirilərək 33 şagird qalib seçilib. Onlardan 6 nəfər I yerə, 11 nəfər II yerə, 16 nəfər isə III yerə layiq görülüb.]]> sakit Thu, 07 May 2026 13:02:44 +0400 https://tehsilmedia.info/index.php?newsid=18000 https://tehsilmedia.info/index.php?newsid=18000

Unutmayaq ki, insan kapitalının formalaşmasında, təhsil və əmək bazarı münasibətlərinin formalaşmasında ilkin və ən vacib addım səmərəli peşəyönümü işi, düzgün peşə seçimidir...”

“İndi Əmək və Əhalinin Sosiaı Müdafiəsi Nazirliyinin Məşğulluq Agentliyi qismən həmin işlə məşğuldur, amma bu, kifayət deyil...”

“ETN 10 il ərzində bizim QHT-nin heç bir təşəbbüsünü dəstəkləmədi, layihələrə kömək etmədi, amma dövlət büdcəsi hesabına verilən qrantları da ənənəvi olaraq dost-tanışın mənasız layihələrinə hədiyyə etdi...”

“Xəbər verildiyi kimi, DİM sədri Məleykə Abbaszadə "ASAN Radio"ya belə bir açıqlama verib:
“Bəzən təəssüf ki, abituriyentlər ixtisas seçimində öz maraq və qabiliyyətlərini deyil, başqalarının təsiri ilə dəbdə olan ixtisasları seçirlər...”
DİM sədrinin sözlərinə görə, gülməli, bəlkə də ağlamalı vəziyyətdir ki, riyaziyyat üzrə ilkin imtahanda aşağı nəticə göstərənlər belə birinci ixtisas qrupunu seçirlər. Çox güman ki, bunun səbəbi həmin qrupda plan yerlərinin çox olması və qəbul ehtimalının daha yüksək görünməsidir...”

Siz bu məsələyə necə baxırsız, probelmin səbəblərini və çıxış yolunu nədə görürsüz?”

Bu sualla müraciət etdiyimiz tanınmış təhsil eksperti, pedaqogika üzrə fəlsəfə doktoru, ADPU-nun dosenti, “Peşəyönümlü Təhsilin İnkişafına Yardım” İctimai Birliyinin rəhbəri İlham Əhmədov Moderator.az-a açıqlamasında Azərbaycanda abituriyentlərin ixtisas seçimi problemləri ilə bağlı aşağıdakı fikir və mülahizələri ifadə edib:

“Azərbaycanda abituriyentlərin ixtisas seçimi prosesi və bunun nəticələri səmərəsizdir, çox bərbad haldadır. Çünki uzun illərdir ki, məktəblərdə peşəyönümü, peşə maatiflənməsi, peşə seçimi üzrə uşaqlarla, demək olar ki, heç bir iş aparılmır. Uşaqlar sanki gözübağlı şəkildə peşə və ixtisas seçirlər. Bu işlə peşəkar məşğul olan mərkəzlər yox həddindədir.

Sovet vaxtı bu məsələlər daha yaxşı təşkil edilmişdi. İndi Əmək və Əhalinin Sosiaı Müdafiəsi Nazirliyinin(ƏƏSMN) Məşğulluq Agentliyi qismən həmin işlə məşğuldur, amma bu, kifayət deyil, həm də bu iş elmi səviyyədən çox uzaqdır. Onlar əsasən işsiz vətəndaşlar və yenidən peşə seçənlərıə işləyirlər. Məktəb şagirdləri onları çox da maraqlandırmır. Elm və Təhsil Nazirliyi isə həmişəki kimi, kənardan baxır problemlərə... Tələbə Qəbulu üzrə Dövlət Komissiyası(TQDK) yaradılana qədər, yəni sovet dönəmində abituriyentlər hökmən sənəd verdikləri ali məktəbdə peşəyönümü müsahibəsindən keçməli idilər. Bu yaxşı ideya idi, amma bizdə çox pis təşkil edilmişdi. Belə müsahibəni psixoloq və peşəyönümü üzrə mütəxəssislər, xüsusi metodika ilə aparmalı idilər. Bizim reallıqda isə bunu fakultə dekanları edirdi, çox narazılıqlar yaranırdı. Belə narazılıqları həll etmək üçün 1992-ci ildə, bu məsələlərlə məşğul olan bir firma açdım. Təşəbbüs mənim idi. Təsisçi isə işlədiyim universiteti seçdim. Çünki o vaxt Nazirlər Kabinetinin qərarı var idi, ali məktəblərdə elm-təhsil yönümlü şirkətlər yaratmaq tövsiyə edilirdi (indi buna “spin- off” və ya “kiçik innovativ firma” da deyilir). Bizim firma peşə diaqnostikası işiləri aparırdı. Bu məqsədlə xüsusi “elektron psixodiaqnostika testləri” hazırlamışdıq. Abituriyent kompüter testinə cavab verməklə, hansı peşələrə nə dərəcədə meyl və marağının olmasını təyin edə bilirdi, cavab printerdə çap edilirdi. Daha sonra abituriyent bu cavabla dekanla peşəyönümü müsahibəsinə gedirdi...

1992-ci ildə biz bir neçə texnikum və ali məktəbdə belə elektron peşə diaqnostika xidmətləri təşkil etmişdik (qiyabi şöbəyə sənəd qəbulu gedirdi həmin aylarda). 2 ay sonra TQDK yarandı, yeni qəbul qaydaları tətbiq edildi, qəbul imtahanları testlə aparılmağa başlanıldı. Yeni qaydalarda peşəyönümü işi daha yox idi. Sonralar buna bir daha qayıdış olmadı... 2003-cü ildə ƏƏSMN-nin sifarişi ilə biz bu yöndə daha mükəmməl bir ekspert sistemi yaratdıq: “TUSİ_PROFİ” adlı. Həqiqətən, hamı çox bəyənmişdi bunu: sifarişçi təçkilat da, istifadəçilər də. Bu sistem ölkəmiz üçün o vaxt bir innovasiya idi, digər ölkələrdə olan analoji sistemlərdən daha mükəmməl və dəqiq idi. Sistem testlər əsasında gənclərə daha düzgün peşə seçməyə imkan verirdi. Bu testlər bir müddət ƏƏSMN saytında sərbəst istifadə üçün yerləşdirilmişdi. Sonralar sayt yeniləndi və yeni saytda bu sistem daha olmadı...

Təəssüf ki, heç vaxt, heç bir dövlət qurumu bizə bu məsələlərdə dəstək vermədi, işlərimiz davamlı olmadı. Bu işi elmi əsaslarla, ciddi tədqiqatlara əsaslanaraq qurmaq lazımdır. Təəssüf ki, bir çox məsələlər indi bu sahədə kor-təbii edilir. Bu səbəblərdən də abituriyentlərin ixtisas seçimi obyektiv, sistemli və elmi əsaslarla yox, təsadüfi və ya “təki tələbə olum, sonrasına baxarıq” prinsipi ilə həyata keçirilir... Çox vaxt da özünü “ekspert” adlandıranlar abituriyentlərə bu məsələdə pullu xidmətlər göstərir, “məsləhət”lər verirlər, amma bu kortəbii olduğu üçün faydasız olur. Nəticədə abituriyentlər çox vaxt sevmədiyi ixtisasa qəbul olunur və yaxşı mütəxəssis ola bilmir...

Bu sahədə fəaliyyəti 0-dan başlayaraq yenidən qurmaq lazımdır, hələ çox işlər görülməlidir. Bu işlə sistemli və davamlı məşğul olan qurumlar yaradılmalıdır. Bizim zaman-zaman müəyyən təkliflərimiz olub bu sahədə. Amma respublikada bu məsələləri müzakirə edib, çıxış yolu tapmaq üçün rəsmi bir mərkəz, qurum yoxdur ki, onlarla görüşüb ciddi müzakirələr aparaq...
Mən 2016-cı ildə bu məsələlərlə məşğul olan bir QHT də təsis etdim: “ Peşəyönümlü Təhsilin İnkişafına Yardım” İctimai Birliyi adında. İndiki zamanda, təbii ki, ictimai əsaslarla ciddi heç nə etmək mümkün deyil. Amma ETN 10 il ərzində bizim QHT-nin heç bir təşəbbüsünü dəstəkləmədi, layihələrə kömək etmədi, amma dövlət büdcəsi hesabına verilən qrantları da ənənəvi olaraq dost-tanışın mənasız layihələrinə hədiyyə etdi...

QHT agentliyi isə hərdən cüzi qrantlar verir, amma belə cüzi maliyyə dəstəyi yalnız məktəblərdə epizodik olaraq maarifləndirici söhbətlər aparmağa çatır. Ciddi problemləri dərindən araşdırmağa və səmərəli, elmi həllər təklif etməyə bunlar kifayət deyil. Hal –hazırda mövcud elmi nailiyyətlər əsasında, beynəlxalq təcrübədən də faydalanaraq, süni intellekt əsaslı peşə seçimi sistemi qurmaq istəyirik. Bu layihəyə dövlət dəstəyi və ya sponsor köməyi olarsa, bu problem 1-2 ilə yüksək səviyyədə həll edilə bilər. Bu həm də xüsusi istedadlı uşaqlarla iş üçün əhəmiyyətli olacaqdır. Yəni, bu iş dövlət səviyyəsində həll edilməli məsələdir...

Amma belə ciddi məsələ demək olar ki, başlı başına buraxılıb. Unutmayaq ki, insan kapitalının formalaşmasında, təhsil və əmək bazarı münasibətlərinin formalaşmasında ilkin və ən vacib addım səmərəli peşəyönümü işi, düzgün peşə seçimidir..."]]> sakit Thu, 07 May 2026 11:09:04 +0400 https://tehsilmedia.info/index.php?newsid=17998 https://tehsilmedia.info/index.php?newsid=17998

2 may 2026-cı il tarixində ARTİ-nin Təhsil Texnologiyaları Mərkəzində 58-ci Beynəlxalq Kimya Olimpiadasına (IChO2026) seçim imtahanı təşkil olunub.

Aztəhsil.az xəbər verir ki, seçim imtahanında ümumilikdə 21 nəfər şagird iştirak edib. Yekun nəticələrə əsasən ən yaxşı nəticə göstərən 4 nəfər şagird 58-ci Beynəlxalq Kimya Olimpiadasında milli komandanın üzvü olaraq iştirak etmək hüququ qazanıb.

Belə ki, Gəncə şəhər Fizika, riyaziyyat və informatika təmayüllü liseyin XI sinif şagirdi Yaqub Baratlı və həmin liseyin X sinif şagirdi Qurban Piriyev, Bakı Dövlət Universitetinin nəzdində fəaliyyət göstərən “Gənc istedadlar” liseyinin XI sinif şagirdi Elman Kərimli, həmçinin Sumqayıt şəhəri 23 nömrəli Texniki Fənlər Təmayüllü Liseyin XI sinif şagirdi Eşqin Səfərli olmaqla, ümumilikdə 4 nəfər şagird 10–19 iyul tarixlərində Özbəkistanın paytaxtı Daşkənd şəhərində keçiriləcək 58-ci Beynəlxalq Kimya Olimpiadasında ölkəmizi təmsil edəcək.

Qeyd edək ki, 58-ci Beynəlxalq Kimya Olimpiadası 10-19 iyul tarixlərində Özbəkistanın paytaxtı Daşkənd şəhərində keçiriləcəkdir.]]> sakit Thu, 07 May 2026 10:41:07 +0400 https://tehsilmedia.info/index.php?newsid=17997 https://tehsilmedia.info/index.php?newsid=17997

Mayın 4-də Xankəndi şəhərində Yeni Azərbaycan Partiyası (YAP) və Qarabağ Universitetinin birgə təşkilatçılığı ilə Ümummilli Lider Heydər Əliyevin anadan olmasının 103-cü ildönümünə həsr olunmuş “Böyük Qayıdış: Heydər Əliyev ideyalarının təntənəsi” mövzusunda tədbir keçirilib.

Aztəhsil.az xəbər verir ki, əvvəlcə Qarabağ Universitetinin inzibati binasında Ulu Öndər Heydər Əliyevin büstü önünə gül dəstələri düzülüb. Tədbirdə Ümummilli Lider Heydər Əliyevin və Azərbaycanın ərazi bütövlüyü uğrunda canlarını qurban vermiş şəhidlərin əziz xatirəsi bir dəqiqəlik sükutla yad edilib. Azərbaycan Respublikasının Dövlət Himni səsləndirilib.
Sonra Ulu Öndər Heydər Əliyevin həyat və fəaliyyətinə həsr olunmuş videoçarx nümayiş olunub.

Çıxış edən Qarabağ Universitetinin rektoru Şahin Bayramov vurğulayıb ki, bu gün müasir Azərbaycanın memarı, Ümummilli Lider Heydər Əliyevin anadan olmasının 103-cü ildönümünü doğma Qarabağda, Xankəndi şəhərində qeyd etmək böyük rəmzi məna daşıyır və qürurverici hadisədir. O qeyd edib ki, Prezident, Müzəffər Ali Baş Komandan İlham Əliyevin rəhbərliyi ilə tarixi Zəfərin qazanılması və işğaldan azad olunmuş ərazilərimizin sürətlə dirçəldilməsi məhz Ulu Öndərin uzaqgörən siyasətinin təntənəsidir: “Doğma yurdlarımıza elm, təhsil və mədəni dəyərlərimizlə qayıdışın simvoluna çevrilən Qarabağ Universitetinin yaradılması və hazırda minlərlə gəncin burada ali təhsil alması məhz Heydər Əliyev ideyalarının uğurla reallaşdırılmasının bariz nümunəsidir”.

“Qarabağ Universitetinin başlıca missiyası yalnız yüksəkixtisaslı kadrlar hazırlamaq deyil, eyni zamanda, Vətəninə, xalqına və dövlətinə bağlı, Heydər Əliyev ideyalarına və milli-mənəvi dəyərlərə sadiq gənclər yetişdirməkdir. Qarabağ Universitetində Ümummilli Liderimizin zəngin irsinin öyrənilməsi və təbliği daim diqqət mərkəzində saxlanılır. Əminik ki, Ulu Öndərin misilsiz ideyalarına bağlılıq gənclərimizin işıqlı gələcəyinə parlaq yol açacaq və gələcəyin peşəkar mütəxəssisləri kimi onların ölkənin və regionun inkişafına mühüm töhfələr verməsində müstəsna rol oynayacaq”,- deyə rektor vurğulayıb.

Tədbirdə çıxış edən YAP Sədrinin müavini - Mərkəzi Aparatın rəhbəri Tahir Budaqov bildirib ki, bugünkü tədbirimizin Azərbaycanın ayrılmaz tərkib hissəsi olan, uzun illər işğal altında qaldıqdan sonra dövlət başçımızın qətiyyətli siyasəti, Müzəffər Ordumuzun şücaəti nəticəsində azad edilərək öz əzəli sahibinə qovuşan Xankəndi şəhərində keçirilməsi xüsusi tarixi, mənəvi və siyasi əhəmiyyətə malikdir. Onun sözlərinə görə, bu torpaqlarda yenidən həyatın canlanması, iqtisadiyyatın bütün sahələrinin, elm və təhsilin dirçəldilməsi dövlətimizin gücünün, xalqımızın sarsılmaz iradəsinin və milli həmrəyliyimizin parlaq təzahürüdür: “Bu gün əziz xatirəsini böyük ehtiramla yad etdiyimiz Ümummilli Lider Heydər Əliyev Azərbaycan dövlətçiliyinin xilaskarı və qurucusu kimi müasir tariximizdə silinməz iz qoymuşdur. Ulu Öndər daim Qarabağın, o cümlədən Xankəndinin Azərbaycanın ayrılmaz hissəsi olduğunu qətiyyətlə bəyan etmiş, ölkəmizin ərazi bütövlüyünün bərpasını dövlət siyasətinin əsas prioriteti kimi müəyyənləşdirmişdir. Onun məqsədyönlü siyasəti nəticəsində Azərbaycan taleyüklü sınaqlardan uğurla çıxaraq müstəqil dövlət kimi davamlı inkişaf yoluna qədəm qoymuşdur. Azərbaycanın müstəqilliyi və dövlətçilik ənənələri möhkəmləndirilmiş, mənəvi dəyərlərimizin qorunması, azərbaycançılıq ideologiyasına əsaslanan milli həmrəyliyin gücləndirilməsi istiqamətində mühüm nailiyyətlər qazanılmış və bugünkü – müasir və qalib Azərbaycanın etibarlı bünövrəsi yaradılmışdır. Azərbaycan Respublikasının Prezidenti, Yeni Azərbaycan Partiyasının Sədri cənab İlham Əliyev tərəfindən Heydər Əliyev siyasətinin müasir dövrün çağırışlarına uyğun zənginləşdirilərək uğurla davam etdirilməsi nəticəsində Azərbaycan öz qüdrətini daha da artıraraq yeni inkişaf mərhələsinə qədəm qoymuşdur. Ölkəmiz 2020-ci ildə 44 günlük Vətən müharibəsində parlaq Zəfərə imza ataraq ərazi bütövlüyünü, 2023-cü ildə bir günlük antiterror əməliyyatı nəticəsində isə mütləq suverenliyini bərpa etmiş, Azərbaycan Bayrağı işğaldan azad edilmiş bütün ərazilərdə, o cümlədən Xankəndi şəhərində ucaldılmışdır”.

Tahir Budaqov bildirib ki, bu gün Böyük Qayıdış proqramının tərkib hissəsi kimi Xankəndidə genişmiqyaslı bərpa və quruculuq işləri həyata keçirilir, müasir infrastruktur yaradılır, sosial obyektlər, yaşayış kompleksləri, təhsil və mədəniyyət müəssisələri inşa olunur: “Müzəffər Liderimizin qeyd etdiyi kimi, Qarabağ və Şərqi Zəngəzur bölgəsi, o cümlədən Xankəndi Azərbaycanın ən gözəl guşələrindən biridir və bu ərazilər qısa müddət ərzində regionun inkişaf mərkəzinə çevriləcəkdir”.

YAP Sədrinin müavini vurğulayıb ki, Xankəndidə Qarabağ Universitetinin təsis olunması dövlət başçısının gələcəyə yönəlik aydın strateji baxışının bariz ifadəsidir: “Bu ali təhsil müəssisəsi bilik məkanı olmaqla yanaşı, həm də azad olunmuş torpaqlarda tarixi ədalətin bərpasının, intellektual potensiala əsaslanan mənəvi dəyərlərin və milli ruhun yüksəlişinin simvoludur. Prezident İlham Əliyevin vurğuladığı kimi, Qarabağ Universiteti regionun elm, təhsil və innovasiya mərkəzinə çevriləcək və gələcək inkişafın əsas dayaqlarından biri olacaqdır”.

“Ümummilli Liderimizin xalqımıza siyasi mirası olan Yeni Azərbaycan Partiyası da dövlətimizin böyük quruculuq fəaliyyətinə yaxından dəstək verir. Partiyamız Böyük Qayıdış strategiyasının həyata keçirilməsində, azad olunmuş ərazilərdə sosial-iqtisadi və humanitar layihələrin təşviqində, xüsusilə gənclərin bu proseslərə cəlb olunmasında mühüm rol oynayır. Qarabağ Universiteti ilə əməkdaşlıq çərçivəsində maarifləndirici tədbirlərin keçirilməsi, tələbələrin inkişafına yönəlmiş layihələrin dəstəklənməsi isə dövlətçilik ideallarına sadiq, yüksək intellektual və mənəvi keyfiyyətlərə malik gənc nəslin formalaşmasına xidmət edir”, - deyə Tahir Budaqov əlavə edib.

YAP Sədrinin müavini qeyd edib ki, Ulu Öndər Heydər Əliyev bütün sahələrdə olduğu kimi, təhsilin inkişafına da xüsusi önəm vermiş, istər SSRİ dövründə, istərsə də müstəqillik illərində respublikamıza rəhbərlik etdiyi zaman milli kadr potensialının formalaşdırılmasını strateji vəzifə kimi müəyyənləşdirərək bu istiqamətdə ardıcıl siyasət həyata keçirmişdir: “Bu gün Prezident İlham Əliyev və Birinci vitse-prezident Mehriban xanım Əliyeva təhsilin inkişafını xüsusi diqqət mərkəzində saxlayırlar. Yeni məktəblər, universitetlər inşa edilir, mövcud infrastruktur müasirləşdirilir, gənclərin istər ölkə daxilində, istərsə də dünyanın aparıcı universitetlərində təhsil almaq imkanları genişləndirilir. Tarixi ənənələr, milli dəyərlər və müasir çağırışlara uyğun qurulan təhsil sistemində aparılan davamlı islahatlar gələcəyə istiqamətlənmiş addımlar kimi sosial-iqtisadi və humanitar inkişafa təkan verir. Dövlət başçısının siyasi iradəsi sayəsində fəaliyyətə başlayan Qarabağ Universiteti təkcə bir ali təhsil müəssisəsi deyil, eyni zamanda, Azərbaycan xalqının möhtəşəm Zəfərinin, quruculuq əzminin və intellektual inkişafının rəmzidir. Şübhə yoxdur ki, universitetdə çalışan professor-müəllim heyəti və burada təhsil alan tələbələrin əzmkar fəaliyyəti Qarabağ bölgəsinin və bütövlükdə ölkəmizin elmi və mənəvi intibahına mühüm töhfələr verəcəkdir”.

Azərbaycan Respublikası Prezidentinin Xankəndi şəhəri, Ağdərə və Xocalı rayonları üzrə xüsusi nümayəndəsinin müavini Səbuhi Qəhrəmanov çıxışında bildirib ki, 2023-cü ildə Azərbaycan Ordusunun həyata keçirdiyi lokal xarakterli antiterror tədbirləri nəticəsində Xankəndi şəhəri və ətraf ərazilər tam nəzarətə götürülərək ölkənin suverenliyi bərpa edilib. O qeyd edib ki, bu tarixi nailiyyət Azərbaycan dövlətinin gücünü, xalqın birliyini və qətiyyətli siyasi iradəni bir daha nümayiş etdirib.

Səbuhi Qəhrəmanov vurğulayıb ki, hazırda azad olunmuş ərazilərdə genişmiqyaslı bərpa və yenidənqurma işləri sürətlə davam etdirilir. Onun sözlərinə görə, Böyük Qayıdış proqramı çərçivəsində keçmiş məcburi köçkünlərin doğma torpaqlara qayıdışı təmin olunur və bu proses mərhələli şəkildə həyata keçirilir: “Artıq Xankəndi şəhəri və ətraf yaşayış məntəqələrində məskunlaşma prosesi başlayıb, əhali üçün müasir yaşayış şəraiti yaradılır. Regionda sosial-iqtisadi inkişafın təmin olunması məqsədilə mühüm infrastruktur layihələri icra edilir. Xankəndi dəmir yolu xəttinin bərpası, Xocalı hava limanının yenidən qurulması, yol və kommunikasiya xətlərinin çəkilməsi regionun strateji əhəmiyyətini daha da artırır. Bununla yanaşı, sahibkarlığın inkişafına dəstək göstərilir, yeni iş yerləri yaradılır və investisiya mühiti yaxşılaşdırılır. Artıq bölgəyə özəl sektor tərəfindən 90 milyon manatdan çox investisiyalar cəlb olunub”.

S.Qəhrəmanov çıxışında qeyd edib ki, Ümummilli Lider Heydər Əliyevin müəyyən etdiyi dövlətçilik kursu bu gün də uğurla davam etdirilir və Azərbaycan regionda güclü mövqeyini daha da möhkəmləndirir: “Prezident İlham Əliyevin rəhbərliyi altında Qarabağ və Şərqi Zəngəzur yaxın illərdə ölkənin ən inkişaf etmiş bölgələrindən birinə çevriləcək”.

Qarabağ Universitetinin Humanitar və sosial elmlər fakültəsinin müəllimi Şamxal Əbilov çıxışında bildirib ki, Ümummilli Lider Heydər Əliyevin dövlətçilik kursunda Qarabağ məsələsi milli maraqların, suverenliyin və ərazi bütövlüyünün əsas istiqamətlərindən biri kimi xüsusi yer tuturdu. Onun sözlərinə görə, Ulu Öndər Qarabağ probleminə yalnız ərazi məsələsi kimi deyil, Azərbaycan dövlətçiliyinin və milli təhlükəsizliyin əsas elementi kimi yanaşırdı.

Ş.Əbilov qeyd edib ki, 1993-cü ildə Heydər Əliyevin hakimiyyətə qayıdışı ölkədə sabitliyin bərpası, dövlət institutlarının möhkəmləndirilməsi və nizami ordu quruculuğu baxımından həlledici dönüş nöqtəsi oldu. “Heydər Əliyevin çoxşaxəli siyasi fəaliyyəti Qarabağ məsələsində Azərbaycanın mövqeyinin beynəlxalq səviyyədə tanınmasına və gələcək qələbənin strateji əsaslarının formalaşmasına mühüm töhfə verdi”, - deyə universitetin müəllimi söyləyib.

Çıxış edən Qarabağ Universitetinin Mühəndislik fakültəsinin 2-ci kurs tələbəsi, Qarabağda antiterror əməliyyatının iştirakçısı İlqar İsgəndərli bildirib ki, Ümummilli Lider Heydər Əliyevin anadan olmasının 103-cü ildönümünə həsr olunmuş tədbirdə çıxış etmək onun üçün böyük qürur və məsuliyyətdir. O qeyd edib ki, vaxtilə döyüş yollarının keçdiyi Xankəndi şəhərində bu gün tələbə olaraq təhsil almaq onun üçün sözlə ifadə olunmayacaq bir duyğudur. O, antiterror əməliyyatlarında iştirakını xatırladaraq Azərbaycan Ordusunun Ali Baş Komandan İlham Əliyevin rəhbərliyi ilə əldə etdiyi tarixi Zəfərin hər bir əsgər üçün iftixar olduğunu bildirib: “Qarabağ Universitetində təhsil alan gənclər Ulu Öndərin müəyyən etdiyi dövlətçilik və azərbaycançılıq ideyaları əsasında Qarabağın gələcək inkişafına mühüm töhfə verəcəklər”.

Sonra Qarabağ Universitetində Ümumi Orta Müvəffəqiyyət Göstəricisi ən yüksək olan bir qrup tələbəyə təşəkkürnamələr təqdim olunub.

Tədbirin rəsmi hissəsi Yeni Azərbaycan Partiyasının Himninin səsləndirilməsi ilə başa çatıb.

Daha sonra Qarabağ Universitetinin İncəsənət fakültəsinin müəllim və tələbələrinin ifasında konsert proqramı təqdim olunub.]]> sakit Thu, 07 May 2026 10:40:33 +0400 https://tehsilmedia.info/index.php?newsid=17996 https://tehsilmedia.info/index.php?newsid=17996

5–7 may tarixlərində İtaliyanın Milan şəhərində “Times Higher Education” reytinq agentliyinin təşkilatçılığı ilə keçirilən “Avropa Universitetləri Sammiti”ndə Azərbaycan nümayəndə heyəti iştirak edir.

Aztəhsil.az xəbər verir ki, bu barədə Elm və Ali Təhsil üzrə Dövlət Agentliyi məlumat yayıb.

Nümayəndə heyətinin tərkibinə Elm və Ali Təhsil üzrə Dövlət Agentliyinin nümayəndələri, eləcə də ölkənin 5 aparıcı ali təhsil müəssisəsi – Bakı Dövlət Universiteti, Azərbaycan Dövlət İqtisad Universiteti UNEC, Azərbaycan Dövlət Neft və Sənaye Universiteti, Azərbaycan Texniki Universiteti və Azərbaycan Memarlıq və İnşaat Universiteti daxildir.

Sammit çərçivəsində Azərbaycan ali təhsil müəssisələri ölkə pavilyonunda xüsusi stendlərlə təmsil olunur. Stendlərdə universitetlərin təhsil proqramları, beynəlxalq əməkdaşlıq imkanları, elmi-tədqiqat fəaliyyəti və inkişaf istiqamətləri barədə sammit iştirakçılarına ətraflı məlumat təqdim edilir.

Beynəlxalq tədbirdə iştirak Azərbaycan ali təhsilinin qlobal akademik məkanda tanıdılması, universitetlərarası əməkdaşlığın genişləndirilməsi və ölkəmizin ali təhsil müəssisələrinin beynəlxalq reytinqlərdə mövqeyinin gücləndirilməsi baxımından mühüm əhəmiyyət daşıyır.]]> sakit Thu, 07 May 2026 10:39:16 +0400 https://tehsilmedia.info/index.php?newsid=17995 https://tehsilmedia.info/index.php?newsid=17995

Mayın 10-da ali təhsil müəssisələrinə qəbul imtahanının ikinci mərhələsi üzrə sınaq imtahanı keçiriləcək.

Aztəhsil.az xəbər verir ki, sınaq imtahanında iştirakçılara ali təhsil müəssisələrinin bakalavriat səviyyəsinə qəbul imtahanının II mərhələsinin modelinə uyğun test tapşırıqları təqdim olunacaq.

İmtahanda iştirak etmək üçün yazılış internet vasitəsilə aparılıb və 5554 abituriyent qeydiyyatdan keçib. İmtahan mayın 10-da Bakı, Sumqayıt, Naxçıvan, Gəncə, Şəmkir, Şəki, Bərdə, Göyçay, Şirvan, Xaçmaz və Lənkəran şəhərlərində ümumilikdə 26 binada təşkil olunacaq.

Sınaq imtahanı bütün binalarda saat 10:00-da başlanacaq. İmtahanda iştirak edəcək abituriyentlərin nəzərinə çatdırırıq ki, imtahan binasına buraxılış saat 09:45‑də başa çatacaq. İmtahanın başlanmasına 15 dəqiqə qalmış buraxılış rejimi başa çatır. Bundan sonra gələn iştirakçılar imtahan binasına buraxılmırlar. İmtahan iştirakçıları qeyd olunanları nəzərə almalı və buraxılış vərəqəsində göstərilən vaxtdan gec olmayaraq imtahan binasında olmalıdırlar", - məlumatda qeyd olunub.]]> sakit Thu, 07 May 2026 10:38:42 +0400 https://tehsilmedia.info/index.php?newsid=17993 https://tehsilmedia.info/index.php?newsid=17993

Sinqapurda məktəb zorakılığı və kiberzorakılıq hallarının artması fonunda yeni intizam tədbiri gündəmə gəlib.

“Qafqazinfo” xəbər verir ki, yeni qaydalara əsasən, ağır hallarda kişi şagirdlərə fiziki cəza kimi çubuqla zərbə tətbiqi nəzərdə tutula bilər.

Qaydada bu cəzanın yalnız “son çarə” kimi, digər intizam üsulları nəticə vermədikdə istifadə ediləcəyi bildirilir. Cəza maksimum üç zərbə ilə məhdudlaşdırılır və yalnız məktəb rəhbərliyinin təsdiqi ilə həyata keçirilə bilər.

Ölkənin təhsil naziri Desmond Li parlamentdə çıxışı zamanı bildirib ki, bu tədbir yalnız ağır zorakılıq hallarında tətbiq olunacaq və qərar verilməzdən əvvəl şagirdin yaşı, davranışı və psixoloji vəziyyəti kimi amillər nəzərə alınacaq.

Yeni qaydaya görə, çubuq cəzası yalnız doqquz yaşdan yuxarı oğlan şagirdlərə şamil ediləcək. Qız şagirdlər isə bu cəzadan istisna olunur və onlar üçün alternativ intizam tədbirləri, məsələn, təhsildən kənarlaşdırma və davranışa nəzarət üsulları tətbiq ediləcək.

Bildirilir ki, qərar uzunmüddətli müzakirələrdən sonra qəbul olunub və məqsəd məktəb zorakılığı hallarının qarşısını almaqdır. Cəza tətbiq edilən şagirdlərin sonradan psixoloji dəstək proqramlarına yönləndiriləcəyi də qeyd olunur.

Beynəlxalq təşkilatlar, o cümlədən UNICEF və ÜST isə fiziki cəzanın uşaqların psixoloji və fiziki inkişafına mənfi təsir göstərə biləcəyini vurğulayaraq bu yanaşmanı tənqid edirlər.]]> sakit Thu, 07 May 2026 09:13:51 +0400 https://tehsilmedia.info/index.php?newsid=17992 https://tehsilmedia.info/index.php?newsid=17992

Bu bölümdə mühəndislik üzrə dünyanın ən yaxşı universitetləri siyahısındakı (Times Higher Education, THE 2025 – Engineering) ali məktəblərin hansı mühəndislik sahəsində (Süni İntellekt, enerji, kosmos və s.) daha güçlü olduğuna və gələcəyin mühəndislik güc mərkəzlərinə (2030 proqnozu) baxacağıq.

“Liderlik” burada təkcə bir reytinq deyil, tədqiqat çıxışı (citations), sənaye tərəfdaşlığı, startap ekosistemi və konkret texnologiya nəticələrinin kəsişməsidir.

Sahə-sahə əsas liderlik mərkəzlərı:

Süni intellekt (AI)

1. Massachusetts Institute of Technology – fundamental AI + tətbiqi sistemlər (CSAIL ekosistemi)

2. Stanford University – Silikon Vadisi inteqrasiyası, generativ AI, ML infrastrukturu

3. Carnegie Mellon University – robotika + ML

4. Tsinghua University – dövlət dəstəyi ilə sürətli yüksəliş, böyük miqyaslı AI

5. University of Cambridge – nəzəri AI, probabilistik modellər

ABŞ hələ ki, liderdir, amma Çin sürətlə yaxınlaşır.

Enerji (enerji sistemləri, nüvə enerjisi)

1. Massachusetts Institute of Technology – enerji iqtisadiyyatı + texnologiya (MIT Energy Initiative)

2. Imperial College London – enerji sistemləri və şəbəkə optimizasiyası

3. ETH Zurich – enerji mühəndisliyi və materiallar

4. Stanford University – günəş, batareya, iqlim texnologiyaları

5. National University of Singapore – şəhər enerjisi və tropik iqlim həlləri


Enerjidə Avropa (ETH, Imperial) daha sistemli, ABŞ isə daha innovativdir.

Kosmos və aerokosmik mühəndislik

1. California Institute of Technology – Jet Propulsion Laboratory ilə birbaşa bağlılıq

2. Massachusetts Institute of Technology – aerokosmik dizayn və sistemlər

3. Stanford University – kosmos startapları (SpaceX ekosistemi ilə əlaqə)

4. Beihang University – Çin aerokosmik gücünün əsas mərkəzi

5. Delft University of Technology – Avropada aerokosmik mühəndisliyin liderlərindən

Kosmosda ABŞ qeydsiz-şərtsiz liderdir; Çin isə sürətlə sistem qurur.

Kompüter mühəndisliyi və yarımkeçiricilər

1. University of California, Berkeley – mikroprosessor memarlığı (RISC-V)

2. Stanford University – hardware + AI inteqrasiyası

3. Massachusetts Institute of Technology – çip dizaynı və kvant hesablama

4. Tsinghua University – milli yarımkeçirici strategiyası

5. National Taiwan University – sənaye ilə sıx inteqrasiya (TSMC ekosistemi)

Materialşünaslıq və nanotexnologiyalar

1. Massachusetts Institute of Technology

2. Northwestern University

3. ETH Zurich

4. Tsinghua University

5. University of Tokyo

Robotika və avtomatlaşdırma

1. Carnegie Mellon University – dünyanın ən güclü robotika məktəbi

2. Massachusetts Institute of Technology

3. ETH Zurich – real robot sistemləri

4. University of Tokyo – humanoid robotlar

5. Shanghai Jiao Tong University

Sahə-sahə baxdığımızda ortaya belə bir tablo çıxır:

ABŞ – Süni İntellekt, kosmos, çiplərdə innovasiya və fundamental liderdir

Avropa (ETH, Imperial) sistem mühəndisliyi və enerji güclüdür

Çin sürətli yüksəliş trendidndədir

Asiya – Yaponiya və Sinqapur spesifik sahələrdə yüksək ixtisaslaşmada öndədir

Bütün bunları bir cümləyə belə sığdırdım:

MIT və Stanford universaldır; ETH Zurich və Imperial sistem qurur; Tsinghua isə gələcəyin gücünü yığır…]]> sakit Thu, 07 May 2026 09:12:34 +0400 https://tehsilmedia.info/index.php?newsid=17990 https://tehsilmedia.info/index.php?newsid=17990

05.05.2026-cı il tarixinədək Təhsil Tələbə Kreditləri (TTK) üzrə ən yüksək göstəricilərə malik universitetlər müəyyənləşib. Rəqəmlər Azərbaycanda minlərlə tələbənin bu imkandan yararlandığını və ali təhsilə çıxışın genişləndiyini göstərir.

AzEdu.az-ın Təhsil Tələbə Krediti Fondundan əldə etdiyi məlumata əsasən, Azərbaycan Dövlət İqtisad Universiteti siyahıya liderlik edir. Universitetdə 2189 tələbə TTK alıb, ümumilikdə 5167 kredit verilib və ayrılan vəsait 6.3 milyon manat təşkil edib.

İkinci sırada Bakı Dövlət Universiteti qərarlaşıb. Burada 1431 tələbə kredit alıb, 3806 kredit rəsmiləşdirilib və ayrılan vəsait 4.4 milyon manat olub.

Sonrakı yerlərdə Azərbaycan Texniki Universiteti (1515 tələbə, 3804 kredit, 3.6 milyon manat), Azərbaycan Kooperasiya Universiteti (1534 tələbə, 3829 kredit, 3.5 milyon manat), Gəncə Dövlət Universiteti (1686 tələbə, 4610 kredit, 3.3 milyon manat) və Azərbaycan Dövlət Pedaqoji Universiteti (1299 tələbə, 3258 kredit, 2.9 milyon manat) yer alır.]]> sakit Wed, 06 May 2026 23:17:12 +0400